တနင်္သာရီတိုင်းဒေသကြီးသည် ပင်လယ်ရေလုပ်ငန်းများဖြင့် အသက်မွေးဝမ်းကျောင်း ပြုလုပ်သည့်တိုင်းဒေသကြီးဖြစ်သည့်အတွက် စီးပွားရေးကောင်းမွန်သဖြင့် အလှူမင်္ဂလာပွဲများ ကိုခြိမ့်ခြိမ့်သဲကျင်းပပြုလုပ်လေ့ရှိပြီး အလှူအတန်းများတွင် ကျွေးမွေးရန် အတွက် ဒေသ မှထွက်ရှိသော ငါးခြောက်များသည် အရေးပါသောအစားအစာတစ်ခုအဖြစ် ပါဝင်လျက်ရှိပါသည်။ ထို့အပြင် အခြားဒေသများသို့တင်ပို့ရောင်းချနေသဖြင့် ထားဝယ်မြို့ပေါ် ရှိငါးခြောက် စျေးကွက်အခြေအနေမှာ ရောင်းအားကောင်းမွန်လျက်ရှိပြီး ဈေးနှုန်းများသည် ငါးခြောက် အသုံးပြုသည့်ပွင့်လင်းရာသီဖြစ်သောကြောင့် ဈေးနှုန်းအနည်းငယ် မြင့်တက်လျက်ရှိပါသည်။
ယခု ထားဝယ်ဈေးကွက်တွင် ငါးခြောက်အမျိုးအစားများစွာရှိသော်လည်း ဒေသတွင်း စားသုံးမှုများပြားသည့် ငါးရောင်ခြောက် (ခေါ်) ဒလုံးခြောက် တစ်ပိဿာလျှင် (၃၀၀၀၀) ကျပ်၊ ငါးလက်ဝါးခြောက် (ခေါ်) စာဗျန့်ခြောက် တစ်ပိဿာလျှင် (၂၀၀၀၀)ကျပ်နှင့် ငါးအူမျှင်းခြောက် တစ်ပိဿာလျှင် (၇၀၀၀၀)ကျပ် အသီးသီးဈေးနှုန်းများရှိကြောင်း သိရှိရပါသည်။
DOCA(တနင်္သာရီ)