မန္တလေးဈေးကွက်အတွင်းသို့ ပြင်ဦးလွင်ဒေသထွက် ပန်းတိမ်ငို(ခေါ်) ပန်းတိမ်မနိုင်ပန်းများ ဇွန်လဆန်းမှ စတင်ဝင်ရောက်လျက်ရှိပါသည်။ ပန်းတိမ်ငို (ခေါ်) ပန်းတိမ်မနိုင်ပန်းအရောင်မှာ သဘာဝစိမ်းဝါနုဖျော့ဖျော့အရောင်မှ ယခုအခါ ခရမ်းရောင်၊ အနီရောင်၊ အဖြူရောင်များလည်း ဝင်ရောက်လျက်ရှိပါသည်။ ပန်းတိမ်ငို (ခေါ်) ပန်းတိမ်မနိုင်ပန်းသည် စူးရှသည့်ရနံ့မရှိဘဲ ပန်းတိုင်း ပန်းတိမ်ဆရာ ငိုလောက်အောင် လှတဲ့ပန်းမျိုးဖြစ်ပါသည်။ စိုက်ပျိုးရာတွင်လည်း တစ်ခါစိုက်ထားလျင် မိုးစတင်ရွာလာပါက မြေဆီကျွေး ဘောင်ခတ်မြေဖို့ပြီး ပြုစုရလွယ်ကူသော အပင်တစ်မျိုး ဖြစ်ပါသည်။ ပန်းတိမ်မနိုင်ပန်းကို ဘုရားပန်းလှူက (၁၀)ရက် (၁၅)ရက် ခန့်ထိ ကြာရှည်ခံပါသည်။ ယခုလို ရာသီဝါဝင်ကာလအနီးတွင် ထွက်ပေါ်တတ်သော ပေါ်ဦးပေါ်ဖျား ပန်းတိမ်မနိုင်ပန်း(ခေါ်) ပန်းတိမ်ငိုပန်းများ ဈေးကွက်ကောင်းလျက်ရှိကြောင်း သိရှိရသည်။ ပန်းတိမ်မနိုင်ပန်း(၁၀)ပင် တစ် စည်းလျှင် (၅၀၀၀/၆၀၀၀) ကျပ်ဖြင့်ရောင်းချလျက်ရှိကြောင်း ပန်းမျိုးစုံ အရောင်းဆိုင်များမှ သိရှိ ရပါသည်။
DOCA(မန္တလေး)