မကွေးတိုင်းဒေသကြီး၊ ပခုက္ကူခရိုင်၊ ပခုက္ကူမြို့မစည်ပင်သာယာဈေးနှင့် အမှတ်(၂)ဈေး တို့တွင် ရာသီပေါ် ဒညင်းသီးများ ရောင်းအားကောင်းလျက်ရှိကြောင်း သိရသည်။ ဒညင်းသီးများ ကို ရှမ်းပြည်နယ် အရှေ့ပိုင်းဒေသ တာချီလိတ်နှင့် မွန်ပြည်နယ်၊ ရခိုင်ပြည်နယ်၊ အမ်းနှင့် မြောက်ဦးမြို့တို့တွင် ဒညင်းပင် အများဆုံး စိုက်ပျိုးထွက်ရှိပါသည်။ ယခုအချိန်တွင် ရာသီပေါ် ဒညင်းသီးများ ပခုက္ကူမြို့၊ မြို့မစည်ပင်သာယာဈေးနှင့် အမှတ်(၂)ဈေးတို့တွင် အရောင်းအဝယ် ဖြစ်လျက်ရှိပါသည်။ ဒညင်းသီးကိုပြုတ်၍သော် လည်းကောင်း ဒညင်းဝက်ပြုလုပ်၍သော်လည်းကောင်း၊ အမျိုးမျိုးပြုလုပ်၍ စားသုံးကြပြီး အရောင်းအဝယ်သွက်လျက်ရှိသည်။
ဒညင်းသီးများကို အလုံးအရွယ်အစားကိုလိုက်၍ ဈေးနှုန်းအမျိုးအမျိုးရှိပါသည်။ ၂၀၂၅ခုနှစ်၊ ဇွန်လ(ဒုတိယပတ်)တွင် ဒညင်းသီး အလုံးအကြီးတစ်လုံးလျှင် ကျပ်(၂၅၀)ရှိပြီး (၁၀)လုံးလျှင် ကျပ် (၂၃၀၀)၊ အလတ်တစ်လုံးလျှင် ကျပ်(၂၀၀)ရှိပြီး (၁၀)လုံးလျှင် ကျပ်(၁၈၀၀)၊ အသေးတစ်လုံးလျှင် ကျပ်(၁၅၀)ရှိပြီး (၁၀)လုံးလျှင် ကျပ်(၁၃၀၀)ဖြင့် ရောင်းချနေပြီး နေ့စဉ်အလုံးရေ (၂၀၀၀ မှ ၁၀၀၀၀)ထိ ဝင်ရောက်အရောင်းအဝယ်ဖြစ်လျက်ရှိကြောင်း သိရှိရသည်။
DOCA(မကွေး)