ဘိုကလေးမြို့နယ် စားသုံးသူရေးရာဦးစီးဌာန မြို့နယ်တာဝန်ခံနှင့် ဝန်ထမ်းတို့သည် ကုန်ဈေးနှုန်းတည်ငြိမ်ကျဆင်းရေးအဖွဲ့နှင့် ပူးပေါင်း၍ ၂၀၂၅ ခုနှစ်၊ ဇွန်လ (၁၃) ရက်နေ့၊ နံနက် (၉:၀၀) နာရီအချိန်တွင် မြို့နယ်စည်ပင်သာယာရေးဈေးအတွင်း ရောင်းချနေသော ဈေးဆိုင်များသို့ ဈေးကွက်စောင့်ကြည့်စစ်ဆေးခဲ့ကြပါသည်။
အဆိုပါဈေးကွက်စောင့်ကြည့်စစ်ဆေးရာတွင် မြို့နယ်စည်ပင်သာယာရေးဈေးအတွင်းရောင်းချနေသော စားအုန်းဆီ၊ကြက်ဥ၊ဘဲဥနှင့် အသားငါးများ သန့်ရှင်းလတ်ဆတ်မှု၊ အလေးချိန် အချိန်အတွယ် ပြည့်ဝစွာ ရောင်းချနေမှုအခြေအနေနှင့် ဈေးနှုန်းမြှင့်တင်ရောင်းချနေမှုရှိ/မရှိတို့ကို ကွင်းဆင်းစစ်ဆေးခဲ့ရာ ရောင်းချနေသော ဈေးဆိုင်များမှ သက်သာသော ဈေးနှုန်းဖြင့် ရောင်းချနေကြောင်း ကွင်းဆင်း စစ်ဆေးခဲ့မှုအရ သတင်းရရှိပါသည်။
DOCA(ဧရာဝတီ)