မြန်မာနိုင်ငံ စိုက်ပျိုးရေးကုန်စည်ပြပွဲ Agri-Tech Myanmar 2025 ကို ဇွန်လ ၂၇ ရက်မှ ၂၉ ရက်အထိ ရန်ကုန်မြို့၌ ကျင်းပမည်ဖြစ်ကြောင်း ပွဲစီစဉ်သူ ဦးဇာနည်က ဆင်ဟွာသို့ ပြောကြားခဲ့ သည်။ အဆိုပါ ကုန်စည်ပြပွဲသည် စိုက်ပျိုးရေးကဏ္ဍတွင် ပါဝင်သည့် တောင်သူများနှင့် လုပ်ငန်းရှင် များကို ချိတ်ဆက်ကာ ကုန်ကြမ်းနှင့်ကုန်ချော စိုက်ပျိုးရေးနှင့်မွေးမြူရေးထွက်ကုန် နှစ်မျိုးစလုံး အတွက် ပြည်တွင်းပြည်ပ စျေးကွက်ချဲ့ထွင်ရာတွင် အထောက်အကူဖြစ်စေကြောင်း ၎င်းကဆိုသည်။ စိုက်ပျိုးရေးဆိုင်ရာ ပြခန်း ၃၄ ခန်း၊ စွမ်းအင်ဆိုင်ရာ ပြခန်း ၁၄ ခန်း၊ ဟိုတယ်၊ စားသောက်ဆိုင် နှင့် ကော်ဖီဆိုင် ၃၄ ခန်း၊ စားသောက်ကုန် ထုတ်လုပ်ရေး ပြခန်း ၁၆ ခန်းနှင့် SME စားသောက်ကုန်များ ပြသသည့် ပြခန်း ၉ ခန်းတို့ အပါအဝင် စုစုပေါင်း ကုန်စည်ပြပွဲ ၁၀၇ ခုကို ပြသသွားမည်ဖြစ်ကြောင်း ၎င်းက ဆိုသည်။ ဆန်နှင့်ဆီစက်များကဲ့သို့ စိုက်ပျိုးရေးဆိုင်ရာစက်များနှင့်ထုတ်ကုန်များအပြင် အစား အသောက်ပြုပြင်ခြင်းနှင့် ထုပ်ပိုးခြင်းဆိုင်ရာ စက်ကိရိယာများ၊ ပြည်တွင်းထုတ် ဝိုင်ကဲ့သို့သော ကုန်ကြမ်းများကိုလည်း ပြပွဲတွင် ပြသသွားမည်ဖြစ်ကြောင်း ၎င်းက ဆက်လက်ပြောကြားခဲ့သည်။ ကုန်စည်ပြပွဲတွင် စိုက်ပျိုးရေးနှင့် လက်တွေ့နှီးနှောဖလှယ်ပွဲများ၊ ပြပွဲပြသသူများမှ ထုတ်ကုန် မိတ်ဆက်ခြင်းနှင့် လယ်ယာထွက်ကုန် အထူးရောင်းချခြင်းစသည့် အထူးအစီအစဉ်များ ပါရှိမည်ဖြစ်ကြောင်း ၎င်းကပြောသည်။
Source: Xinhua
DOCA(ရန်ကုန်)