၂၀၂၅ ခုနှစ်၏ ပထမ ၅ လတွင် ကမ္ဘောဒီးယားနှင့် ထိုင်းနိုင်ငံကြား အပြန်အလှန် ကုန်သွယ်မှုတန်ဖိုးမှာ အမေရိကန်ဒေါ်လာ ၁.၈၇ ဘီလီယံတန်ဖိုးရှိခဲ့ပြီး ကမ္ဘောဒီးယား၏ ထိပ်တန်းကုန်သွယ်ဖက် ၅ နိုင်ငံထဲမှ တစ်ခုအဖြစ် ထိုင်းနိုင်ငံ၏တည်ရှိမှုကို အားကောင်းစေခဲ့ ကြောင်း ကမ္ဘောဒီးယားနိုင်ငံ အကောက်ခွန်နှင့် အခွန်အထွေထွေဦးစီးဌာန၏ နောက်ဆုံးတင်ပြ ချက်အရ သိရပါသည်။ ထို ၅ လတာကာလအတွင်း ကမ္ဘောဒီးယား၏ ထိုင်းနိုင်ငံသို့တင်ပို့မှုမှာ အမေရိကန်ဒေါ်လာ ၃၉၅ သန်းတန်ဖိုးရှိပြီး ၂၀၂၄ ခုနှစ် တူညီသည့်ကာလထက် ၁.၁ ရာခိုင်နှုန်း မြင့်တက်ခဲ့ကာ ထိုင်းနိုင်ငံထံမှပြန်လည်တင်သွင်းမှုမှာ အမေရိကန်ဒေါ်လာ ၁.၄၈ ဘီလီယံဖြင့် ၂၀၂၄ ခုနှစ် တူညီသည့်ကာလထက် ၁၀.၄ ရာခိုင်နှုန်းမြင့်တက်ခဲ့ကြောင်း သိရပါသည်။ ထို ၅ လတာကာလအတွင်း တရုတ်နိုင်ငံသည် အမေရိကန်ဒေါ်လာ ၇.၆၃ ဘီလီယံဖြင့် ကမ္ဘောဒီးယား၏ အကြီးမားဆုံးကုန်သွယ်ရေးမိတ်ဖက်ဖြစ်ပြီး ၎င်း၏ နောက်တွင် အမေရိကန်က(အမေရိကန် ဒေါ်လာ၄.၄၇ ဘီလီယံ)၊ ဗီယက်နမ်က(အမေရိကန်ဒေါ်လာ ၃.၈၄ ဘီလီယံ)၊ ထိုင်းက (အမေရိကန်ဒေါ်လာ ၁.၈၇ ဘီလီယံ)၊ ဂျပန်က(အမေရိကန်ဒေါ်လာ ၁.၀၂ ဘီလီယံ)နှင့် ကနေဒါ က(အမေရိကန်ဒေါ်လာ ၅၁၈ သန်း) ဖြင့် အသီးသီးရပ်တည်နေကြောင်း သိရပါသည်။ ကမ္ဘောဒီးယားကုန်သည်များအသင်း၏ ဒုတိယဥက္ကဌ Lim Heng က နှစ်နိုင်ငံကြားကုန်သွယ်မှု သည် နှစ်စဉ် တည်ငြိမ်စွာကြီးထွးလျှက်ရှိပြီး အိမ်နီးချင်းနှစ်နိုင်ငံကြား ကောင်းမွန်သောဆက်ဆံ ရေးကို ထိန်းသိမ်းခြင်း၏အရေးပါမှုကို အသားပေးပြောကြားခဲ့ပါသည်။ ကမ္ဘောဒီးယား၏ ထိုင်း နိုင်ငံသို့တင်ပို့မှုပမာဏသည် တင်သွင်းမှုထက် အတော်အသင့်နည်းပါးသော်လည်း ထိုင်းနိုင်ငံ သည် နယ်စပ်ဧရိယာများတစ်လျှောက်နေထိုင်သည့် စိုက်ပျိုးရေးသမားများကထုတ်လုပ်သည့် ကမ္ဘောဒီးယားကုန်ပစ္စည်းများ အထူးသဖြင့် မပြုပြင်ထားသောနှင့် semi-processed ကုန်ပစ္စည်း များအတွက် အရေးပါသောဈေးကွက်ဖြစ်ကြောင်း သိရပါသည်။ Heng ကလတ်တလောနယ်စပ် ပြသနာသည် ကုန်သွယ်မှုကိုသိသာစွာမသက်ရောက်နိုင်ကြောင်းနှင့် နှစ်နိုင်ငံစလုံးသည် ကုန်သွယ်ရေးကိုထိခိုက်စေပြီး နှစ်ဖက်စလုံးရှုံးနိမ့်နိုင်သည့် နယ်စပ်အငြင်းပွားမှုအခြေအနေ ကိုကာကွယ်ရန် အတူတကွလုပ်ကိုင်သင့်ကြောင်း ပြောကြားခဲ့ပါသည်။
Khmer Times
DOCA (ရန်ကုန်)