ပြပွဲအတွက် ပထမဆုံး နိုင်ငံတကာ စီမံကိန်းအစည်းအဝေး (IPM) အပြီးတွင် နိုင်ငံပေါင်း ၁၁၄ နိုင်ငံကျော်သည် အထူးပြု ကုန်စည်ပြပွဲ EXPO 2027 Belgrade တွင် ၎င်းတို့၏ ပါဝင်မှုကို အတည် ပြုခဲ့ကြောင်း ပွဲစီစဉ်သူများက ဇွန်လ ၁၂ ရက်နေ့တွင် ကြေညာခဲ့သည်။ Belgrade တွင် ဇွန်လ ၁၀ ရက်မှ ၁၁ ရက်အထိ နှစ်ရက်ကြာကျင်းပသည့် အဆိုပါအစည်းအဝေးတွင် နိုင်ငံပေါင်း ၁၅၄ နိုင်ငံမှ ကိုယ်စားလှယ် ၄၀၀ ကျော် တက်ရောက်ခဲ့သည်။ ပွဲစီစဉ်သူများက အစည်းအဝေးသည် အနောက် ဘော်လကန်ဒေသတွင် ပထမဆုံးအဖြစ်နှင့် ဆားဘီးယားနိုင်ငံ၏ ပြင်ဆင်မှုများတွင် မှတ်တိုင်တစ်ခု အဖြစ် ဖော်ပြခဲ့သည်။ ၎င်းသည် ဆားဘီးယားအတွက် သာမက ဒေသတစ်ခုလုံးနဲ့ ကမ္ဘာ့အသိုင်းအဝိုင်း အတွက်ပါ စာမျက်နှာသစ်တစ်ခု၏ အစတစ်ခု ဖြစ်ကြောင်း Bureau International des Expositions (BIE) ၏ အထွေထွေအတွင်းရေးမှူး Dimitri Kerkentzes က ပြောကြားခဲ့သည်။ ယဉ်ကျေးမှုကြွယ်ဝမှု၊ မတူကွဲပြားမှုနှင့် တီထွင် ဖန်တီးမှုဆိုင်ရာ အလားအလာများကြောင့် လူသိများသော ဒေသတစ်ခုတွင် အထူးပြုကုန်စည် ပြပွဲကို ကျင်းပခြင်း၏ အရေးပါမှုကို အလေးပေးဖော်ပြခဲ့သည်။ EXPO 2027 Belgrade ၏ ဒါရိုက်တာ Dusan Borovcanin က အဆိုပါဆောင်ပုဒ်ကို ပါဝင်သည့်နိုင်ငံများမှ ကျယ်ကျယ် ပြန့်ပြန့် လက်ခံယုံကြည်ခဲ့ပြီး "ဖန်တီးမှုနှင့် စစ်မှန်သော ထုတ်ဖော်မှု" အတွက် နေရာပေးထား ကြောင်း ပြောကြားခဲ့သည်။ ကိုယ်စားလှယ်များသည် Belgrade ၏အနောက်တောင် ဘက်ရှိ Surcin ရှိ EXPO 2027 ဆောက်လုပ်ရေးလုပ်ငန်းခွင်သို့လည်း သွားရောက်ခဲ့ပြီး Belgrade Fair တွင် "EXPO Playground" သို့ သွားရောက်လည်ပတ်ခဲ့ပြီး အနာဂတ်ကုန်စည်ပြပွဲ၏ အသွင် အပြင် အပြည့်အစုံကို အတုယူရန် ဒီဇိုင်းထုတ်ထားသည့် ပြပွဲနေရာတစ်ခုဖြစ်သည့် Belgrade Fair တွင် လည်း သွားရောက်ကြည့်ရှုခဲ့ကြသည်။ အထူးပြုပြပွဲ EXPO 2027 Belgrade ကို မေလ ၁၅ ရက်နေ့မှ ၂၀၂၇ ခုနှစ် သြဂုတ်လ ၁၅ ရက်နေ့အထိ ကျင်းပရန် စီစဉ်ထားပြီး ဆားဘီးယား၊ ဒေသတွင်းနှင့် ကမ္ဘာတဝှမ်း မှခရီးသွား လေးသန်းကျော်ကို ဆွဲဆောင်နိုင်မည်ဟု မျှော်လင့်ထား ကြသည်။ တရုတ်နိုင်ငံသည် EXPO တွင် ၎င်း၏ပါဝင်မှုကို အတည်ပြုခဲ့သည်။ ယခင် အထူးပြု ကုန်စည်ပြပွဲ EXPO 2017 Astana သည် ကာဇက်စတန်တွင် နိုင်ငံပေါင်း ၁၁၅ နိုင်ငံနှင့် နိုင်ငံတကာအဖွဲ့အစည်း ၂၂ ခုကို တရားဝင်လက်ခံ ကျင်းပခဲ့သည်။ "အနာဂတ်စွမ်းအင်" ဟူသော ခေါင်းစဉ်ဖြင့် ၎င်းသည် လာရောက် လည်ပတ်သူ လေးသန်းနီးပါးကို မှတ်တမ်းတင်နိုင်ခဲ့ကြောင်း BIE ထုတ်ပြန်ချက်အရသိရသည်။
Source: Xinhua
DOCA(ရန်ုကုန်)