၁ လ ကြာမြင့်မည့် 2025 Jakarta Great Sale Festival အား ဇွန်လ ၁၀ ရက်နေ့က အင်ဒိုနီးရှားနိုင်ငံ၏မြို့တော်တွင် စတင်ဖွင့်လှစ်ကျင်းပခဲ့ပြီး ယမန်နှစ်က လက်လီရောင်းချမှု ၁၄ ထရီလီ ယံရူပီယာမှ ၁၅.၅ ထရီလီယံရူပီယာအထိ တိုးမြင့်နိုင်ရန် ပစ်မှတ်ထားလျှက်ရှိသည်။ Jakarta Great Sale Festival သည် မြို့တော်၏ စီးပွားရေးကို ခိုင်မာစွာ မြင့်တင်ပေးကြောင်း ဂျာကာတာ ပြည်နယ်စက်မှု၊ ကုန်သွယ်ရေး၊ သမဝါယမနှင့် အသေးစားနှင့်အလတ်စား စီးပွားရေး လုပ်ငန်းများ အေဂျင်စီဒါရိုက်တာ Elisabeth Ratu Rante Allo က ဇွန်လ ၁၀ ရက်နေ့တွင်ပြော ကြားခဲ့သည်။ ဇွန်လ ၁၀ ရက်နေ့မှ ဇူလိုင်လ ၁၀ ရက်နေ့အထိ ကျင်းပသည့်အဆိုပါပွဲသည် ကုန်တိုက်များနှင့် စျေးဝယ်စင်တာပေါင်း ၁၀၀ ပါဝင်မည်ဖြစ်ပြီး ဂျာကာတာ၏ စီးပွားရေး တိုးတက်မှုအတွက် အဓိကမောင်းနှင်အားဖြစ်သည့် ကုန်သွယ်မှုကဏ္ဍအတွက် ကြီးမားသောပံ့ပိုး ကူညီမှုပေးနိုင်မည်ဟု မျှော်လင့်ထားကြသည်။ ယခုနှစ်ပွဲတော်တွင် Grand Indonesia၊ Mali Taman Anggrek နှင့် Lipo Mall Nusantara တို့ အပါအဝင် အဓိကစျေးဝယ်စင်တာခုနှစ်ခုနှင့် ပူးပေါင်းကာ အင်ဒိုနီးရှား အချက်အပြုတ် မိုက်ခရို၊ အသေးစားနှင့်အလတ်စား လုပ်ငန်းပေါင်း ၂၀၀ ကျော်ကိုပြသရန်စီစဉ် ထားကြောင်းသိရသည်။ ဂျာကာတာ၏ ၄၉၈ နှစ်မြောက်နှစ်ပတ် လည်အခမ်းအနား၏ တစ်စိတ်တစ်ပိုင်းအနေဖြင့် ပွဲတော်တွင် ၇၀ ရာခိုင်နှုန်းအထိလျှော့စျေးပေး ထားပြီး ညစျေးတန်းများ၊ စျေးဝယ်မဲပေးခြင်း၊ သွေးလှူတန်းခြင်းနှင့် အခမဲ့ကျန်မာရေးစစ်ဆေးခြင်းများ ပြုလုပ်နိုင်မည်ဖြစ်ကြောင်း သိရှိရပါသည်။
Source: Xinhua
DOCA (ရန်ကုန်)