ကမ္ဘောဒီးယားနိုင်ငံစီးပွားကူးသန်းဝန်ကြီးဌာန(MoC)၏ အတွင်းရေးမှူး Lim Lork Piseth နှင့် တရုတ်နိုင်ငံ Beihai Municipal People’s Government ၏ ဒုတိယမြို့တော်ဝန် Zeng Ling တို့သည်နှစ်နိုင်ငံကုမ္ပဏီများအကြား ဗျူဟာမြောက်ပူးပေါင်းဆောင်ရွက်မှု သဘောတူညီချက် လက်မှတ်ရေးထိုးရန်နှင့် စိုက်ပျိုးရေးထုတ်ကုန်များမိတ်ဆက်ကြေညာရန် အတွက် ပွဲအခမ်းအနားကို ဇွန်လ ၆ ရက်နေ့က ကျင်းပပြုလုပ်ခဲ့ပါသည်။ Beihai မြို့တော်၏ Guangxi Zhuang Autonomous ဒေသတွင်ကျင်းပပြုလုပ်ခဲ့သည့် ထိုအခမ်းအနားသည် ကမ္ဘောဒီးယား၏ အလားအလာရှိသောစိုက်ပျိုးရေးထုတ်ကုန်များ Guangxi Zhuang Autonomous ဒေသမှတစ်ဆင့် တရုတ်ဈေးကွက်သို့တင်ပို့မှုမြှင့်တင်ရန်နှင့် ကြေညာရန်ရည်ရွယ် ကြောင်း သိရပါသည်။ MoC ကြေညာချက်၏အဆိုအရ အခမ်းအနား၏ အဓိကအကြောင်းအရာသည် ၂၀၂၅ ခုနှစ်မှ ၂၀၂၇ ခုနှစ်အတွင်း ကမ္ဘောဒီးယား သရက်သီးခြောက် တန် ၂၀၀၀၀ နှင့် ၂၀၂၅ ခုနှစ်မှ ၂၀၂၆ ခုနှစ်အတွင်း ကမ္ဘောဒီးယားဒူးရင်းသီး တန် ၁၅၀၀၀ အားဝယ်ယူရန်နှင့် ရောင်းချရန်အတွက် Guangxi Xiyaya Food ကုမ္ပဏီလီမိတက်နှင့် Lumisun Asian Fruits ကုမ္ပဏီလီမိတက်ကြား ဗျူဟာမြောက်ပူးပေါင်းဆောင်ရွက်မှုသဘောတူညီချက် လက်မှတ်ရေးထိုးခြင်းဖြစ်ကြောင်း သိရပါသည်။ ထိုသဘောတူညီချက်အောက်တွင် တရုတ်ကုမ္ပဏီသည် ကမ္ဘောဒီးယားသရက်သီးခြောက် တန်ချိန် ၃၀၀၀ ကို ၂၀၂၅ ခုနှစ်တွင် ဝယ်ယူလိမ့်မည်ဟု သိရပါသည်။
Khmer Times
DOCA (ရန်ကုန်)