ယခုလတွင်ကုန်ဆုံးသည့် လက်ရှိဘဏ္ဍာရေးနှစ်ပထမ ၁၁ လအတွင်း ဘင်္ဂလားဒေ့ရှ်နိုင်ငံ၏ စုစုပေါင်းကုန်ပစ္စည်း တင်ပို့မှုဝင်ငွေသည် တစ်နှစ်ထက်တစ်နှစ် ၁၀ ရာခိုင်နှုန်းတိုးလာပြီး အမေရိကန်ဒေါ်လာ ၄၅ ဘီလီယံနီးပါးရှိကြောင်းသိရသည်။ ၂၀၂၄-၂၅ ဘဏ္ဍာနှစ်ဇူလိုင်လမှ မေလ အတွင်းတင်ပို့မှုမှ ကန်ဒေါ်လာ ၄၄၉၄၆.၀၁ သန်းရရှိခဲ့ပြီး ယခင်နှစ်ကရရှိခဲ့သော ကန်ဒေါ်လာ ၄၀၈၅၉.၃၄ သန်းထက် ပိုမိုမြင့်တက်ခဲ့သည်။ လက်ရှိဘဏ္ဍာရေးနှစ်၏ ၁၁ လ (ဇူလိုင်လ ၂၀၂၄ မှ ဇွန် ၂၀၂၅) တွင် ကုန်ပစ္စည်းများတင်ပို့မှုမှာ လွန်ခဲ့သည့်နှစ် အလားတူကာလ ကထက် ၁၁.၄၅ ရာခိုင်နှုန်းပိုမိုများပြားခဲ့ပြီး နိုင်ငံသည်မေလတွင် ဒေါ်လာ ၄.၇၄ ဘီလီယံ တန်ဖိုးရှိ ကုန်ပစ္စည်းများတင်ပို့ခဲ့သည်။ စုစုပေါင်းချုပ်ထည်၊ ယက်ထည်အပါအဝင် အသင့်ချုပ်အထည်များ တင်ပို့မှုမှ အမေရိကန်ဒေါ်လာ ၃၆.၅၆ ဘီလီယံရရှိခဲ့သည်။ ဘင်္ဂလားဒေ့ရှ်နိုင်ငံသည် ၂၀၂၄-၂၅ ဘဏ္ဍာနှစ်အတွက် ပို့ကုန်ရည်မှန်းချက် ဒေါ်လာ ၅၀ ဘီလီယံအထိထားရှိပြီး ၎င်းမှ ဒေါ်လာ ၄၀.၄၈ ဘီလီယံမှာ အသင့်ချုပ်အထည်များဖြစ်ကြောင်း သိရှိရပါသည်။
Source : Xinhua
DOCA(ရန်ကုန်)