ဗီယက်နမ်နိုင်ငံသည် ၂၀၂၅ ခုနှစ်၏ ၅လ အတွင်း နိုင်ငံတကာခရီးသွားဧည့်သည် ၉.၂ သန်းအား ကြိုဆိုခဲ့ပြီး ယမန်နှစ်အလားတူကာလကထက် ၂၁.၃ ရာခိုင်နှုန်းတိုးလာကြောင်း ဇွန်လ ၆ ရက်နေ့ အမျိုးသားစာရင်းအင်းရုံး၏ ထုတ်ပြန်ချက်အရ သိရသည်။ လာရောက်လည်ပတ်သော နိုင်ငံခြားခရီးသွားဧည့်သည်စုစုပေါင်းမှ ၈၅.၂ ရာခိုင်နှုန်းမှာ လေကြောင်းလမ်းဖြင့်ရောက်ရှိလာခြင်းဖြစ်ပြီး ခရီးသွားဧည့်သည် ၇.၈၄ သန်းရှိသည်။ ၁.၁၈ သန်းမှာ ကုန်းလမ်းကြောင်းဖြင့်ရောက်ရှိလာကြပြီး ၁၇၅၄၀၀ မှာ ရေလမ်းကြောင်းဖြင့် ရောက်ရှိလာကြခြင်းဖြစ်ကြောင်း သိရသည်။ အာရှနိုင်ငံများသည် ဗီယက်နမ်နိုင်ငံ၏ အဓိကခရီးသွားရင်းမြစ်ဖြစ်ပြီး လာရောက်လည်ပတ်သူပေါင်း ၇.၂ သန်း အထိရှိခဲ့သည်။ ဥရောပမှ လာရောက်လည်ပတ်သူပေါင်း ၁.၂ သန်းကျော်ရှိပြီး အမေရိကန်မှလာရောက်လည်ပတ်သူပေါင်း ၄၉၆၉၀၀ ကျော်ရှိကြောင်း သိရသည်။ စာရင်းအင်းရုံး၏ အဆိုအရထူးခြားသော ဗီဇာမူဝါဒများ၊ ခရီးသွားမြှင့်တင်ရေးလှုပ်ရှားမှုများ ပိုမိုလုပ်ဆောင်လာခြင်းနှင့် နိုင်ငံတော်အားလပ်ရက်များအဖြစ် အထိန်းအမှတ်ပွဲများ ကျင်းပသည့် လှုပ်ရှားမှုများကြောင့် နိုင်ငံတကာခရီးသွားဧည့်သည် လာရောက်လည်ပတ်မှု တိုးမြင့်လာခြင်းဖြစ်ကြောင်း သိရသည်။
Source : Xinhua
DOCA(ရန်ကုန်)