မှော်ဘီမြို့နယ်ရှိ စတိုးဆိုင်များသို့ Sprite အချိုရည်အား ကွင်းဆင်းစစ်ဆေး

   (၃.၆.၂၀၂၅)ရက်နေ့ နံနက်(၁၀:၂၀)အချိန်တွင် စားသုံးသူရေးရာဉီးစီးဌာန၊ မြောက်ပိုင်း ခရိုင် ဉီးစီးမှူးရုံး၊ မှော်ဘီမြို့နယ်ခွဲတာဝန်ခံ ဒေါ်ဖြူဖြူမြင့်၊ ဒုကြီးကြပ်ရေးမှူးပါ(၂)ဉီးတို့သည် မှော်ဘီမြို့နယ်၊ တပ်ကြီးကုန်းကျေးရွာရှိ စတိုးဆိုင်များတွင် Sprite အချိုရည်ရောင်းချ နေခြင်းအား ကွင်းဆင်း စစ်ဆေးခြင်းများ ဆောင်ရွက်ခဲ့ပါသည်။

    ထိုသို့ဆောင်ရွက်ခဲ့ရာတွင် ဗောဓိကုန်းရပ်ကွက်ရှိ စတိုးဆိုင်များနှင့် မြို့မဈေးအတွင်းရှိ မုန့်မျိုး စုံဆိုင်များတွင် ထိုင်းဘာသာဖြင့် ကုန်အညွှန်းအမှတ်အသားများဖော်ပြထားသည့် အစိမ်းရောင် Sprite ဗူးများကို မတွေ့ရှိရပဲ အကြည်ရောင်ဗူးများဖြင့် ထောက်ခံချက်များ၊ မြန်မာလိုကုန်အညွှန်းအမှတ် အသားပါရှိသော Sprite အချိုရည်များကိုသာ ဈေးကွက်အတွင်း တွေ့ရှိရပါသည်။ ရောင်းချနေသော စီးပွားရေးလုပ်ငန်းရှင်များအားလည်း ထောက်ခံချက် မပါသော ကုန်အညွှန်းအမှတ်အသားများ မပြည့်စုံသော ကုန်ပစ္စည်းများရောင်းချခြင်းမပြုရန် အသိပညာပေးပြောကြားခဲ့ကြောင်း သိရှိရ ပါသည်။

 DOCA (ရန်ကုန်)