ထားဝယ်မြို့အတွင်း Recycle ပစ္စည်းများအား ပြန်လည်ဝယ်ယူ၍ တစ်ဆင့်ပြန်လည် ရောင်းချနေသော ပစ္စည်းဟောင်းဝယ်ယူသည့်ဆိုင် များစွာရှိနေပြီး ၎င်းဆိုင်များအနေဖြင့် ဝယ်ယူရရှိသည့် Recycle ပစ္စည်းများအား ရန်ကုန်မြို့ရှိ လှိုင်သာယာ၊ ရွှေပြည်သာမြို့နယ်တို့ရှိ Recycle ပစ္စည်းများ ပြန်လည်ပြုပြင်၍ လူသုံးကုန်ပစ္စည်း၊ လုပ်ငန်းသုံးပစ္စည်းများ ထုတ်လုပ်သည့် စက်ရုံများသို့ ပြန်လည် တင်ပို့ရောင်းချလျက်ရှိပါသည်။ ဆိုင်များမှဝယ်ယူသည့် တစ်ပိဿာဈေးနှုန်းများအနေဖြင့် ရေသန့်ဘူးခွံ ၁၀၀၀-၁၅၀၀ကျပ်၊ ပုံး၊ ဇလုံ၊ ခုံကျိုး ၇၀၀ကျပ် နှင့် သံ(ပါး) ၈၀၀ကျပ်၊ သံ (အထူ) ၃၀၀၀ ကျပ်အထိ ဝယ်ယူလျက်ရှိပါသည်။
ဝယ်ယူရရှိသည့် ပစ္စည်းများအား ရန်ကုန်မြို့ရှိ Recycle ပစ္စည်းများ ပြန်လည်ပြုပြင် ထုတ်လုပ်သည့် စက်ရုံ၊ အလုပ်ရုံများသို့ တစ်ဆင့်တင်ပို့ ရောင်းချရာတွင်လည်း ဈေးကောင်းရရှိလျက်ရှိပါသည်။
DOCA(တနင်္သာရီ)