ခရမ်းချဉ်သီးမှာ အိမ်ရှင်မများ၏ မီးဖိုချောင်တွင် အသုံးပြုရသော ပါဝင်ပစ္စည်း ဖြစ်ပါသည်။ ဟင်းအိုးတော်တော်များများတွင် ထည့်သွင်းအသုံးပြုရသော ပါဝင်ပစ္စည်းတစ်မျိုး ဖြစ်သောကြောင့်လည်း အိမ်ရှင်မများအနေဖြင့် မဖြစ်မနေဝယ်ယူအသုံးပြုရပါသည်။
ခရမ်းချဉ်သီးဈေးနှုန်းအနေဖြင့် မတ်လတွင် တစ်ပိဿာလျှင် (၁၅၀၀) ကျပ်နှင့် ဧပြီလတွင် တစ်ပိဿာလျှင် (၂၀၀၀) ကျပ်ဖြင့် ဈေးနှုန်းအနည်းငယ် မြင့်တက်သွားပြီး ယခုမေလတွင် ခရမ်းချဉ်သီး (၁) ပိဿာလျှင် အကြီး/အသေးအလိုက် တစ်ပိဿာလျှင် (၂၀၀၀)၊ ၂၅၀၀ နှင့် ၂၈၀၀ကျပ် အထိ ဈေးနှုန်းများဆက်လက်မြင့်တက်လျက်ရှိပါသည်။
ယခုကဲ့သို့ ခရမ်းချဉ်သီးဈေးနှုန်းမြင့်တက်သွားခြင်းမှာ ဒေသတွင်းခရမ်းချဉ်သီးနှင့် မုံရွာဒေသမှ ရာသီအလိုက်ထွက်သော ခရမ်းချဉ်သီးများတင်ပို့နိုင်မှုမရှိခြင်းကြောင့် ဖြစ်ကြာင်း တောင်ငူမြို့ ညောင်ပင်ဈေးရှိ ခရမ်းချဉ်သီး ရောင်းချသူတစ်ဦးထံမှ သိရှိခဲ့ပါသည်။ ယခုရောင်းချသော ခရမ်းချဉ်သီးများမှာလည်း ရှမ်းပြည်နယ်၊ ညောင်ရွှေဒေသမှ တင်ပို့ရောင်းချသော ခရမ်းချဉ်သီးများ ဖြစ်ကြောင်းလည်း သိရှိခဲ့ပါသည်။
DOCA(ပဲခူး)