မန္တလေးတိုင်းဒေသကြီး၊ကျောက်ဆည်မြို့နယ်တွင် ပဲမျိုးစုံသီးနှံတစ်မျိုးဖြစ်သည့်ပဲစဉ်းငုံသီးနှံ ကိုစိုက်ပျိုးလျှက်ရှိပါသည်။ကျောက်ဆည်မြို့နယ်တွင် ပဲစဉ်းငုံသီးနှံစိုက်ဧက(၁၄၈၃)ဧကစိုက်ပျိုးနိုင် ခဲ့ပြီးဧကအားလုံးရိတ်သိမ်းပြီးဖြစ်ကြောင်း ခရိုင်ကြေးတိုင်နှင့် မြေစာရင်းဦးစီးဌာန၏စာရင်းများအရ သိရှိရပါသည်။အထွက်နှုန်းကောင်းသည် ရွှေဒင်္ဂါးနီ၊ဝါ မျိုးများကိုသာအများဆုံးစိုက်ပျိုးကြကြောင်း၊ ပဲစဉ်းငုံစိုက်ပျိုးမှု ကုန်ကျစရိတ်အနေဖြင့် မျိုး၊သွင်းအားစု၊လုပ်သားခအပါအဝင် (၁)ဧကကုန်ကျ စရိတ်(၂၅၀၀၀၀/-)ကျပ်ခန့်ကုန်ကျကြောင်း၊ ပဲစဉ်းငုံသီးနှံကို သီးညှပ်သီးထပ်အဖြစ်စိုက်ပျိုးသည့် အပြင်သီးသန့်လည်းစိုက်ပျိုးလျှက်ရှိပါသည်။(၁)ဧကလျှင်ပဲစဉ်းငုံမျိုး(၄-၅)ပြည်ခန့်ကုန်ကျကြောင်း၊ နေကြာ၊နှမ်းသီးနှံများဖြင့် အတန်းခြားစိုက်ပျိုးလျှက်ရှိပါသည်။ပဲစဉ်းငုံ(၁)ဧကအထွက်နှုန်းအနေဖြင့် (၁၅)တန်းခန့်ထွက်ရှိပြီး ယခုဈေးနှုန်းအနေဖြင့် (၅၆၀၀၀/-)ကျပ်နှုန်းရောင်းရောင်းချရကြောင်း၊ ပဲစဉ်းငုံထွက်ပေါ်ချိန်တွင် မြို့ပေါ်ရှိပွဲရုံများသို့ သွားရောက်ရောင်းချရကြောင်း၊ပွဲရုံမျာမှလည်း ပြည်ပသို့တင်ပို့ရောင်းချကြကြောင်း ၊ ပဲစဉ်းငုံသီးနှံစိုက်ပျိုးခြင်းဖြင့် ကုန်ကျစရိတ်သက်သာပြီး အကျိုးအမြတ်ရရှိသည့်အတွက် စိုက်ပျိုးသင့်ကြောင်းသိရှိရပါသည်။
DOCA(မန္တလေး)