စားသုံးသူရေးရာဦးစီးဌာန၊ မကွေးတိုင်းဒေသကြီး၊ မင်းဘူးခရိုင်၊ ပွင့်ဖြူမြို့နယ်တာဝန်ခံနှင့် ဝန်ထမ်းများသည် ပွင့်ဖြူမြို့နယ်အလယ်ပိုင်းရပ်ရှိ “ မာလာသီ ” ငှက်ပျော်ကြော်လုပ်ငန်းသို့ (၂၃.၄.၂၀၂၅)ရက်နေ့၊ နံနက်(၁၀:၀၀)နာရီအချိန်တွင် သွားရောက်၍ ပြည်တွင်းကုန်သွယ်မှုကဏ္ဍ ဖွံ့ဖြိုးတိုးတက်စေရေးအတွက် ဒေသအတွင်းရှိ အသေးစား၊ အငယ်စားနှင့် အလတ်စား စီးပွားရေးလုပ်ငန်းရှင်များ၏ လုပ်ငန်းအခြေအနေများအား တွေ့ဆုံဆွေးနွေးခဲ့ကြောင်း သိရသည်။
ထိုသို့တွေ့ဆုံဆွေးနွေးရာတွင် “မာလာသီ” အမှတ်တံဆိပ်ဖြင့် ငှက်ပျော်ကြော် ၊ ပိန်းဥကြော် တို့ ထုတ်လုပ်ရောင်းချရာတွင် တစ်ရက်လျှင် ငှက်ပျော်သီးအဖီး(၅၀)ခန့်ကြော်ရပြီး စားအုန်းဆီပိဿာ ချိန်(၁၀)ပိဿာခန့်ကုန်ကျကြောင်း၊ ထုတ်လုပ်ရရှိသောမုန့်များအား ပွင့်ဖြူမြို့နယ် အနီးရှိ ကျေးရွာ များ၊ မင်းဘူး၊ မကွေး၊ နေပြည်တော်သို့ ဖြန့်ချီရောင်းချလျက်ရှိကြောင်း သိရှိရပြီး လုပ်ငန်းရှင်အနေဖြင့် မိမိတို့ထုတ်လုပ်သည့် ကုန်စည်များတွင် ကုန်အညွှန်းအမှတ်တံဆိပ် ပြည့်စုံစွာပါရှိစေရေး နှင့် စားသုံးသူကာကွယ်ရေးဥပဒေပါ စီးပွားရေးလုပ်ငန်းရှင်၏ တာဝန်များ၊ တားမြစ်ချက်နှင့် ပြစ်မှု ပြစ်ဒဏ်များကို အသေးစိတ်ရှင်းလင်းဆွေးနွေးခဲ့ကြောင်း သိရှိရပါသည်။
DOCA(မကွေး)