စားသုံးသူရေးရာဦးစီးဌာန၊ မကွေးတိုင်းဒေသကြီး၊ တိုင်းဒေသကြီးဦးစီးမှူး၏ လမ်းညွှန်မှု၊ ခရိုင်ဦးစီးမှူး၏ ကြီးကြပ်မှုဖြင့် ပခုက္ကူခရိုင်ဦးစီးမှူးရုံးမှ ဒုတိယခရိုင်ဦးစီးမှူးနှင့် ဝန်ထမ်းများသည် စားသုံးသူများ ဘေးအန္တရာယ်ကင်းရှင်းပြီး လုံခြုံစိတ်ချရမှုရှိစေရန်ရည်ရွယ်၍ (၂၂.၄.၂၀၂၅)ရက်နေ့၊ နံနက်(၁၀:၃၀)အချိန်တွင် ပခုက္ကူမြို့ပေါ်ရှိ ပဲကြော်၊ ဖရုံစေ့လှော်၊ ကိတ်၊ ပဲလမုန့် နှင့် ငါးမုန့်ကြော် ထုတ်လုပ်ဖြန့်ဖြူးရောင်းချလျက်ရှိသော လုပ်ငန်းရှင်များထံသို့သွားရောက်၍ အသိပညာပေး ဆွေးနွေးခဲ့ကြောင်း သိရသည်။
ဒုတိယခရိုင်ဦးစီးမှူးမှ လုပ်ငန်းရှင်များနှင့် တွေ့ဆုံဆွေးနွေးရာတွင် မိမိတို့ဌာန၏ လုပ်ငန်း ဆောင်ရွက်ချက်များ၊ စားသုံးသူကာကွယ်ရေးဥပဒေပါ စီးပွားရေးလုပ်ငန်းရှင်၏ တာဝန်များ၊ စီမံ ခန့်ခွဲရေးနည်းလမ်းအရ အရေးယူခြင်း၊ တားမြစ်ချက်များ၊ ပြစ်မှုနှင့်ပြစ်ဒဏ်များအကြောင်း၊ မြန်မာ နိုင်ငံစားသုံးသူကာကွယ်ရေးကော်မရှင်မှ ထုတ်ပြန်ထားသော ညွှန်ကြားချက်ပါ ကုန်စည်အုပ်စုအလိုက် မြန်မာဘာသာဖြင့် ထည့်သွင်းဖော်ပြရ မည့်အချက်အလက်များ၊ လုပ်ငန်းရှင်များမှလည်း မိမိတို့ ထုတ်လုပ်သောကုန်စည် အမျိုးအစားအလိုက် စားသုံးသူ ကာကွယ်ရေးဥပဒေ (၂၀၁၉)အခန်း (၁၈)ပါ ကုန်အညွှန်း အမှတ်အသားဖော်ပြချက်များနှင့် ကိုက်ညီသည့် ကုန်စည်များကို စားသုံးသူရေးရာ ဦးစီးဌာန၏စိစစ် ခွင့်ပြုချက်ရရှိရန် လျှောက်ထားနိုင်ကြောင်း၊ စားသုံးသူရေးရာဌာနခွဲ တာဝန်ခံမှလည်း မိမိတို့ထုတ်လုပ်သော ပဲကြော်နှင့် ကိတ်မုန့်များတွင် ပွဆေးများအား အလွန်အကျွံ မသုံးစွဲစေလိုကြောင်း၊ သန့်ရှင်းသပ်ရပ်စွာ အသုံးပြုစေလိုကြောင်း၊ ဌာနမှစစ်ဆေးရေး အရာရှိများက ဈေးကွက်အတွင်း၌ ဘေးအန္တရာယ်ရှိသော ကုန်စည်များအား ပပျောက်စေရန်အတွက် ကွင်းဆင်းစစ်ဆေးခြင်းများ ပြုလုပ်လျက်ရှိရာ မိမိတို့ထုတ်ကုန်များအား စားသုံးသူကာကွယ်ရေးဥပဒေပါ ပြဌာန်းချက်များအား လိုက်နာဆောင်ရွက်ခြင်းဖြင့် စားသုံးသူများ လုံခြုံစိတ်ချရမှုရှိပြီး ဈေးကွက်များ ပိုမိုရရှိလာနိုင်ပြီဖြစ်ကြောင်း ဆွေးနွေးခဲ့ပြီး လက်ကမ်းစာစောင်များ ဖြန့်ဝေခဲ့ကြောင်း သိရှိရပါသည်။
DOCA(မကွေး)