ကလေးမြို့၊ ပြန်ကြားရေးနှင့် ပြည်သူ့ဆက်ဆံရေးဦးစီးဌာနရုံးတွင် ကျင်းပပြုလုပ်သော ကွန်ပျူတာသင်တန်းတွင် သင်တန်းသား/သူများအား ( ၂၆.၄.၂၀၂၅ )ရက်နေ့၊ နံနက်( ၁၁: ၃၀ ) အချိန်၌ စားသုံးသူရေးရာဦးစီးဌာန၊ ခရိုင်ဦးစီးမှူး ဒေါ်သန်းသန်းဝင်း ဦးဆောင်၍ ဝန်ထမ်းများနှင့်အတူ ဟောပြောပွဲကျင်းပပြုလုပ်ခဲ့ရာ သင်တန်းသား/သင်တန်းသူ( ၂၀ ) ဦးတက်ရောက်ခဲ့ပါသည်။
အဆိုပါဟောပြောပွဲကို စားသုံးသူရေးရာဉီးစီးဌာန၊ ကလေးခရိုင်ရုံးမှ ဒေါ်သိမ့်သိမ့်ထွန်းက စားသုံးသူကာကွယ်ပေးရေး ဥပဒေများအကြောင်းနှင့် ဤဥပဒေတွင် စားသုံးသူများအခွင့်အရေး၊ စီးပွားရေးလုပ်ငန်းရှင်များ၏တာဝန်၊ ကုန်စည်၊ ဝန်ဆောင်မှုနှင့် စပ်လျဉ်း၍ အာမခံပေးထားမှုအပေါ် စားသုံးသူကတောင်းဆိုနိုင်သည့် အခွင့်အရေးများနှင့် စားသုံးသူများနစ်နာဆုံးရှုံးမှုရှိပါက တိုင်းဒေသကြီး၊ ပြည်နယ်များရှိ Consumer Information& Complaint Center (CICC) များနှင့် Consumer Call Center(1535)များသို့ ခေါ်ဆို၍ တိုင်ကြားနိုင်ပါကြောင်းနှင့် စားသုံးသူရေးရာဦးစီးဌာန၏လုပ်ငန်းဆောင်တာများနှင့်ပတ်သက်၍ မိမိသိလိုသည့် အကြောင်းအရာများအား တယ်လီဖုန်း ဖြင့်ဖြစ်စေ၊ လူကိုယ်တိုင်လာရောက်၍ဖြစ်စေ မေးမြန်းနိုင်ပါကြောင်းနှင့် လိုအပ်သည်များကိုလည်း ကူညီဆောင်ရွက်ပေးသွားမည်ဖြစ်ကြောင်း ပြောကြား၍ အသိပညာပေးဟောပြောခြင်းကို (၁၂:၃၀) နာရီ အချိန်တွင် အခမ်းအနားပြီးဆုံးကြောင်း သတင်းရရှိရပါသည်။
DOCA (စစ်ကိုင်း)