မကွေးတိုင်ဒေသကြီး၊ သရက်ခရိုင်၊ အထက်မင်းလှမြို့၊ ဇေယျာသီရိဈေး၌ ကြက်ဥ၊ ဘဲဥနှင့် ငုံးဥများကို မကွေးမြို့၊ မင်းဘူးမြို့နှင့် မန္တလေးမြို့တို့မှ မှာယူရောင်းချကြောင်း သိရသည်။
၂၀၂၅ခုနှစ်၊ မေလ(ဒုတိယပတ်)တွင် ကြက်ဥ(၁၀)လုံးလျှင် (အလုံးအကြီး၊ အသေးအလိုက်) ကျပ်(၄၃၀၀-၄၅၀၀)၊ ဘဲဥ(၁၀)လုံးလျှင် ကျပ်(၆၅၀၀)၊ ငုံးဥ(၁၀)လုံးလျှင် ကျပ်(၁၂၀၀)ဖြင့် ရောင်းချ လျက်ရှိပြီး ယခင်ဧပြီလ(စတုတ္ထပတ်)တွင် ကြက်ဥ(၁၀)လုံးလျှင် (အလုံးအကြီး၊ အသေးအလိုက်) ကျပ်(၄၂၀၀-၄၃၀၀)၊ ဘဲဥ(၁၀)လုံးလျှင် ကျပ်(၆၂၀၀)၊ ငုံးဥ(၁၀)လုံးလျှင် ကျပ်(၁၁၀၀)ဖြင့် ရောင်းချ ၍ ဈေးနှုန်းနှိုင်းယှဉ်ပါက ယခုတစ်ပတ်တွင် ကြက်ဥ ကျပ်(၁၀၀-၂၀၀)၊ ဘဲဥ ကျပ်(၃၀၀)၊ ငုံးဥ ကျပ်(၁၀၀)ဈေးနှုန်းအနည်းငယ်မြင့်တက်လာကြောင်း သိရသည်။ နွေရာသီကာလဖြစ်၍ ကြက်ခြံ များတွင် ဥအထွက်နှုန်းလျော့ကျခြင်းနှင့် သယ်ယူစရိတ်အနည်းငယ်မြင့်မားခြင်းတို့ကြောင့် ကြက်ဥ၊ ဘဲဥနှင့်ငုံးဥဈေးနှုန်းများ မြင့်တက်ရခြင်းဖြစ်ကြောင်း သိရှိရသည်။
DOCA(မကွေး)