ကုန်စိမ်းစျေးကွက်အတွင်း သံပုရာသီးနှင့်သံပုယိုသီးဝင်ရောက်မှုမှာ မတ်လနောက်ဆုံးပတ်တွင် ရာသီဥတုပူပြင်းလာပြီဖြစ်၍ အရောင်းသွက်လျက်ရှိကြောင်း သိရပါတယ်။ စျေးကွက်အတွင်း ရောက်ရှိလာသည့်သံပုရာသီးမှာ တောင်အင်းမြောက်အင်းကျေးရွာ၊မီချောင်းတပ် ကျေးရွာတို့မှာ စိုက်ပျိုးထွက်ရှိသည့် အသီးများနှင့်သံပုယိုသီးမှာ ရွှေစာယံကျေးရွာ၊ မီးသွေးဘုတ်ကျေးရွာတို့မှ စိုက်ပျိုးထွက်ရှိသည့်အသီးများပိုမိုဝင်ရောက်ပြီး၊ မန္တလေးတိုင်းဒေသကြီးအတွင်း အခြားမြို့နယ်များနှင့်စစ်ကိုင်းတိုင်းဒေသကြီးတို့မှလည်း ဝင်ရောက်ကြောင်း သိရပါတယ်။ သံပုရာသီးနှင့်သံပုယိုသီးများမှာမိုးရာသီတွင် ပိုမိုထွက်ရှိပြီး၊ ဆောင်းရာသီတွင် ထွက်ရှိမှုလျော့ကျ သည့် အတွက် စျေးအနည်းငယ်မြင့်ကြောင်း သိရှိရပါတယ်။ သံပုရာသီးနှင့်သံပုယိုသီးများအား သံပုရာဖျော်ရည်၊သံပုရာယို၊သံပုရာချဉ်ဖတ်၊အသုပ်မျိုးစုံနှင့် သရေစာတို့တွင် ထည့်သွင်းစားသုံးခြင်း၊ လူသုံးကုန်နှင့်ကျန်းမာရေးဓါတ်စာအဖြစ် စားသုံးခြင်းတို့ကြောင့် တစ်နှစ်ပတ်လုံးသုံးစွဲမှုများ သည့်သီးနှံဖြစ်ကြောင်း သိရပါတယ်။မန္တလေးမြို့၊၄၁လမ်း၊ ကုန်စိမ်းသီးနှံများ လက္ကားရောင်းချ သည့်စျေးတွင် အသီးအရွယ်အစားအလိုက် စျေးအနည်းငယ်ကွာခြားမှုရှိပြီး၊ ၂၀၂၅ခုနှစ်မတ်လ နောက်ဆုံးပတ်အတွင်း ဖြစ်ပေါ်လျက်ရှိသော သံပုရာသီးလက္ကားစျေးမှာ ၂၅လုံးလျှင် ၃၅၀ဝိ/- နှင့် ၄၅၀ဝိ/-စျေး၊သံပုယိုသီးလက္ကားစျေးမှာ ၂၅ လုံးလျင် ၂၀၀ဝိ/- နှင့် ၂၅၀ဝိ/-စျေး၊သံပုယိုနှင့် သံပုရာ ချဉ်ထုတ်တစ်ထုတ် (တစ်ပိဿာ ပါ)လျင် လက္ကားစျေး ၂၀၀ဝိ/- နှင့် ၄၀၀ဝိ/- စျေး၊ လက်လီ စျေးမှာ သံပုရာသီးတစ်လုံးလျင် ၂၅ဝိ/- နှင့်၃၀ဝိ/-စျေး၊သံပုယိုသီးတစ်လုံးလျှင် ၁၅ဝိ/- နှင့် ၂၅ဝိ/- စျေးတို့ဖြစ်ပေါ် လျက်ရှိကြောင်း ကုန်စိမ်းရောင်းချသူတစ်ဦး၏ပြောပြချက်အရ သိရပါတယ်။
DOCA(မန္တလေး)