၂၀၂၄ ခုနှစ်စိုက်ပျိုးထွက်ရှိသော မိုးစပါးများဝယ်ယူရာတွင် စနစ်တကျရှိစေရေး၊ တောင်သူများ နစ်နာမှုမရှိစေရေးအတွက် လုပ်ငန်းညှိနှိုင်းအစည်းအဝေးအား ၄-၁၂-၂၀၂၄ ရက်နေ့ နံနက်(၁၀:၀၀) နာရီအချိန်တွင် စားသုံးသူရေးရာဦးစီးဌာန၊ ကရင်ပြည်နယ်ဦးစီးမှူးရုံး အစည်းအဝေးခန်းမ၌ သက်ဆိုင်ရာအသင်းအဖွဲ့များ၊ တောင်သူများနှင့် တွေ့ဆုံ၍ လုပ်ငန်းညှိနှိုင်းအစည်းအဝေး ကျင်းပခဲ့ကြောင်း သိရသည်။
ရှေးဦးစွာ စားသုံးသူရေးရာဦးစီးဌာန၊ ကရင်ပြည်နယ်ဦးစီးမှူး ဦးသန်းဦးက ပြောကြားရာတွင် ၂၀၂၄-၂၀၂၅ ဘဏ္ဍာနှစ်အတွင်း စိုက်ပျိုးထားရှိသော မိုးစပါးများထွက်ရှိ လာပြီဖြစ်ရာ မိုးစပါးများဝယ်ယူရောင်းချရာတွင် ဈေးနှုန်းဈေးကွက်တည်ငြိမ်စေရေး ၊ ကုန်စည်စီး ဆင်းမှုမှန်ကန် မြန်ဆန်စေရေး၊ ဒေသပေါက်ဈေးအတိုင်းဝယ်ယူရာတွင် တောင်သူများ နစ်နာမှုမရှိစေရေးအတွက် အလေးချိန် တင်းတောင်း မှန်ကန်စွာဖြင့်ဝယ်ယူ၍ ဆောင်ရွက်သွားရန်နှင့် သတ်မှတ်ရက်အမီ သိုလှောင်ရုံများ မှတ်ပုံတင်ဆောင်ရွက်နိုင် ဆွေးနွေးပြောကြားခဲ့ပါသည်။
ဆက်လက်၍ ကရင်ပြည်နယ်ဆန်စက် လုပ်ငန်းရှင်များအသင်း၊ ဆန်စက်ပိုင်ရှင်များ၊ ကုန်သည်/ပွဲစားများ၊ စပါးစိုက်ပျိုးတောင်သူများက စပါးဝယ်ယူမှုနှင့်ပတ်သက်၍ တွေ့ကြုံရသည့် အခက်အခဲများနှင့် ဆောင်ရွက်သင့်သည့်အချက်များကို အကြံပြုဆွေးနွေးကြပြီး အစီအစဉ်အရ ဆန်စပါးဝယ်ယူမှုနှင့်ပတ်သက်၍ တောင်သူများနစ်နာမှုမရှိစေရေး အားလုံး ဝိုင်းဝန်းကြိုးစား ဆောင်ရွက်ကြရန် တိုက်တွန်းပါကြောင်း စားသုံးသူရေးရာဦးစီးဌာန၊ ပြည်နယ်ဦးစီးမှူးက နိဂုံးချုပ်အမှာစကား ပြောကြားခဲ့သည်။
အစည်းအဝေးတွင် ကရင်ပြည်နယ်ဆန်စက်လုပ်ငန်းရှင်များအသင်း၊ ကရင်ပြည်နယ်ဆန်စပါး ကုန်သည်များအသင်း (ဘားအံရုံးခွဲ)နှင့် ဆန်စက်လုပ်ငန်းရှင်များ၊ စပါးဝယ်ယူသည့် ပွဲစားများ၊ စိုက်ပျိုးတောင်သူများ တက်ရောက်ခဲ့ပြီးအစည်းအဝေးကို နံနက်(၁၁:၃၀) နာရီတွင် ရုတ်သိမ်းခဲ့သည်။
DOCA(ကရင်)