စားသုံးသူရေးရာဦးစီးဌာန ရန်ကုန်တိုင်းဒေသကြီး၊ အရှေ့ပိုင်းခရိုင်စီးမှူးရုံးမှ ဦးမြသန်းနိုင် (လက်ထောက်ကြီးကြပ်ရေးမှူး)နှင့် ဝန်ထမ်းများ၊ စားအုန်းဆီအသင်းမှ တွဲဖက် အတွင်းရေးမှူး ဦးမျိုးဇော်ထူး၊ မြို့နယ်အထွေထွေအုပ်ချုပ်ရေးဦးစီးဌာန၊ မြို့နယ်ဈေးစည်ပင်သာယာရေးကော်မတီအဖွဲ့မှ တာဝန်ရှိသူတို့နှင့် ပူးပေါင်းကာ (၃.၅.၂၀၂၄ ) ရက်နေ့ ၊နေ့လယ် (၁၅း၃၀)နာရီအချိန်တွင် ဆီကိုယ်စားလှယ်ဦးချစ်ကိုမှ တဆင့်ပြန်လည်ခွဲဝေဖြန့်ဖြူး ရောင်းချပေးသည့် တာမွေမြို့နယ်၊ တာမွေရာပြည့်ဈေး၊ တာမွေယာယီဈေး၊ ဒဂုံညွန့်ဈေးအတွင်းရှိ စားအုန်းဆီအရောင်းဆိုင် (၇)ဆိုင်အား ဈေးကွက်စောင့်ကြည့်စစ်ဆေးခြင်းများ ပြုလုပ်ခဲ့ပါသည်။
ဆက်လက်၍ တာဝန်ရှိသူများသည် ဈေးကွက်အတွင်း စားသုံးဆီရောင်းချသည့် ကိုယ်စားလှယ်များနှင့် တွေ့ဆုံပြီး စားသုံးသူပြည်သူများသို့ စားသုံးဆီရောင်းချရာတွင် သတ်မှတ် ရည်ညွှန်းဈေးထက် ၂ ရာခိုင်နှုန်းဖြင့်အမြတ်တင်ရောင်းချခြင်း ရှိ / မရှိ၊ သတ်မှတ်ဈေးနှုန်း ရေးဆွဲထားသည့် လက်လီ/လက်ကားဈေးနှုန်းများ ရေးသားထားသည့် Board / ဗီနိုင်း များအား နေ့စဉ်ချိတ်ဆွဲ ရောင်းချရန် ခွဲတမ်းရရှိသည့် ဆီပေပါများကို တဆင့်ပြန်လည်ခွဲဝေပေးမှု အခြေအနေ၊ ပြည်သူများထံအပြည့်အဝရောင်းချပေးရန်နှင့် ဈေးကစားရန်အလို့ငှာ စားသုံးဆီ များသို လှောင်ထားခြင်း ရှိ/မရှိတို့ကို စစ်ဆေးခဲ့ပြီး လိုက်နာမှုမရှိပါက အရေးကြီး ကုန်စည်နှင့် ဝန်ဆောင်မှုဥပဒေအရ အရေးယူခံရမည်ဖြစ်ကြောင်းနှင့် ဈေးကွက်အတွင်း ရောင်းချနေသော စားသုံးဆီအမျိုးမျိုးတို့တွင်လည်း စားသုံးသူကာကွယ်ရေးဥပဒေပါ ကုန်အညွှန်းအမှတ်အသား ပြည့်စုံစွာပါဝင်မှုရှိ /မရှိကို ကွင်းဆင်းစစ်ဆေး၍ အသိပညာပေးခြင်းများ ဆောင်ရွက်ခဲ့ကြောင်း သိရှိရပါသည်။
DOCA(ရန်ကုန်)