စားသုံးသူရေးရာဦးစီးဌာန ရန်ကုန်တိုင်းဒေသကြီး၊ အရှေ့ပိုင်းခရိုင်စီးမှူးရုံးမှ ဒေါ်လဲ့လဲ့ဌေး(ဒုဦးစီးမှူး)နှင့် ဝန်ထမ်းများ၊ စားအုန်းဆီအသင်းမှ တွဲဖက်အတွင်းရေးမှူး ဦးမျိုးဇော်ထူး၊ မြို့နယ်အထွေထွေအုပ်ချုပ်ရေးဦးစီးဌာန၊ မြို့နယ်ဈေး စည်ပင်သာယာရေးကော်မတီအဖွဲ့မှ တာဝန်ရှိသူတို့နှင့် ပူးပေါင်းကာ (၃.၅.၂၀၂၄ ) ရက်နေ့၊နေ့လယ် (၁၂း၃၀)နာရီ အချိန်တွင် ဆီကိုယ်စားလှယ် ဒေါ်မြင့်မြင့်စိုးမှ တဆင့်ပြန်လည်ခွဲဝေဖြန့်ဖြူးရောင်းချပေးသည့် မင်္ဂလာတောင်ညွန့်မြို့နယ်၊ သိမ်ဖြူဈေးနှင့်၊ တောင်ညွန့်ဈေးအတွင်းရှိ စားအုန်းဆီအရောင်းဆိုင် (၉)ဆိုင် အား ဈေးကွက်စောင့်ကြည့်စစ်ဆေးခြင်းများ ပြုလုပ်ခဲ့ပါသည်။
ခရိုင်ဦးစီးမှူးသည် ဈေးကွက်အတွင်း စားသုံးဆီရောင်းချသည့် ကိုယ်စားလှယ်များနှင့် တွေ့ဆုံပြီး စားသုံးသူပြည်သူများသို့ စားသုံးဆီရောင်းချရာတွင် သတ်မှတ်ရည်ညွှန်းဈေးထက် ၂ ရာခိုင်နှုန်းဖြင့်အမြတ်တင်ရောင်းချခြင်း ရှိ / မရှိ၊ သတ်မှတ်ဈေးနှုန်း ရေးဆွဲထားသည့် လက်လီ/ လက်ကားဈေးနှုန်းများ ရေးသားထားသည့် Board / ဗီနိုင်း များအား နေ့စဉ်ချိတ်ဆွဲ ရောင်းချရန် ခွဲတမ်းရရှိသည့် ဆီပေပါများကို တဆင့်ပြန်လည်ခွဲဝေပေးမှုအခြေအနေ၊ ပြည်သူများထံ အပြည့်အဝရောင်းချပေးရန်နှင့် ဈေးကစားရန်အလို့ငှာ စားဆီများသိုလှောင်ထားခြင်း ရှိ/မရှိ တို့ကို စစ်ဆေးခဲ့ပြီး လိုက်နာမှုမရှိပါက အရေးကြီးကုန်စည်နှင့်ဝန်ဆောင်မှုဥပဒေအရ အရေးယူခံရမည်ဖြစ်ကြောင်းနှင့် ဈေးကွက်အတွင်း ရောင်းချနေသော စားသုံးဆီအမျိုးမျိုးတို့တွင်လည်း စားသုံးသူကာကွယ်ရေးဥပဒေပါ ကုန်အညွှန်းအမှတ်အသား ပြည့်စုံစွာပါဝင်မှုရှိ /မရှိကို ကွင်းဆင်းစစ်ဆေး၍ အသိပညာပေးခြင်းများ ဆောင်ရွက်ခဲ့ကြောင်း သိရှိရပါသည်။
DOCA(ရန်ကုန်)