စားသုံးသူရေးရာဦးစီးဌာန၊ ရန်ကုန်တိုင်းဒေသကြီးဦးစီးမှူးရုံး၏ လမ်းညွှန်မှာကြားချက်အရ၊ တိုင်းဒေသကြီးကွပ်ကဲမှုအောက်ရှိ ခရိုင်ဦးစီးမှူးရုံးများအနေဖြင့် စက်မှုဇုန်များတွင် ပြည်တွင်းကုန်သွယ်မှုကဏ္ဏ ဖွံ့ဖြိုးတိုးတက်ရေးနှင့် စားသုံးသူကာကွယ်ရေး လုပ်ငန်းများဖြင့် နိုင်ငံ့စီးပွားဖွံ့ဖြိုးတိုးတက်ရန် ဆိုသည့်ဆောင်ပုဒ်နှင့်အညီ ပြည်တွင်း ကုန်သွယ်မှုလုပ်ငန်းများ လုပ်ကိုင်ရာတွင် အခက်အခဲများမရှိစေရေးအတွက် ခရိုင်အတွင်းစက်မှုဇုန်များရှိ စီးပွားရေး လုပ်ငန်းရှင်များနှင့် တွေ့ဆုံဆွေးနွေးခဲ့ကြကြောင်း သိရှိရပါသည်။
ကွင်းဆင်းစစ်ဆေးဆောင်ရွက်မှုများ ပြုလုပ်ရာတွင် ရန်ကုန်အရှေ့ပိုင်းခရိုင်ဦးစီးမှူး ဦးလှစိုးနှင့် ဝန်ထမ်းများသည် ၂.၄.၂၀၂၄ ရက်နေ့ ၊နေ့လယ် (၁၄:၀၀) နာရီတွင် ဗိုလ်တထောင်ခရိုင်၊ သာကေတစက်မှုဇုန်၊ အမှတ်(၈)၊ ရန်နိုင်ဆွေ(၂)လမ်းရှိ New Harmony လုပ်ငန်းအား သွားရောက်စစ်ဆေးရာတွင် လူသုံးကုန်ထုတ်လုပ်သည့်လုပ်ငန်း အမျိုးအစားဖြစ်ပြီး၊ တစ်လလျှင် ဗွီနိုင်းအလိပ် (၃၀၀)လိပ် ထုပ်လုပ်နိုင်ကြောင်း၊ လုပ်သားဦးရေ (၅၃) ဦး ရှိကြောင်း၊ လုပ်ငန်း အခက်အခဲမရှိကြောင်း၊ လုပ်ငန်းရှင် ဦးစိုင်းစည်သူမှ ပြန်လည်ဖြေကြားခဲ့ကြောင်း သိရှိရပါသည်။
DOCA(ရန်ကုန်)