ရန်ကုန်တိုင်းဒေသကြီး တရားမဝင်ကုန်သွယ်မှု တိုက်ဖျက်ရေးအထူးအဖွဲ့၏ ညွှန်ကြားချက်အရ ခရိုင်အထွေထွေအုပ်ချုပ်ရေးဦးစီးဌာနမှ ဒုတိယမြို့နယ်အုပ်ချုပ်ရေးမှူး ဦးသက်နိုင်ဝင်း၊ စားသုံးသူရေးရာဦးစီးဌာနမှ အရှေ့ပိုင်းခရိုင်ဦးစီးမှူးရုံးမှ ဒုတိယဦးစီးမှူး ဒေါ်လဲ့လဲ့ဌေး၊ ကုန်သွယ်ရေးဦးစီးဌာနမှ လက်ထောက်ညွှန်ကြားရေးမှူး ဦးဦးသန့်၊ မြန်မာ့ဆိပ်ကမ်းအာဏာပိုင်မှ ကြီးကြပ်ရေးမှူး ဦးဝင်းနိုင်၊ အမှတ်(၃) ရေကြောင်းရဲကွက်ကဲမှုအဖွဲ့ခွဲမှ ရဲအရာခံခင်သန်းငြိမ်းနှင့် အကောက်ခွန်ဦးစီးဌာနမှ အကောက်ခွန်မှူး ဦးမြင့်ဇော် တို့ပါဝင်သော အဖွဲ့များသည် ၂၉.၃.၂၀၂၄ ရက်နေ့ နံနက် (၁၁:၃၀)နာရီတွင် သာကေတမြို့နယ် ( 5 Star ) ဆိပ်ကမ်းအား သွားရောက်စစ်ဆေးခဲ့ကြောင်း သိရှိရပါသည်။
အဆိုပါ (5 Star) ဆိပ်ကမ်းတွင် ဆိုက်ကပ်ထားသော MCL 2 ရေယာဉ်ဖြင့် ရန်ကုန်မြို့မှ ကော့သောင်းမြို့သို့ ပို့ဆောင်မည့် Aluminium Scrap များကို စစ်ဆေးခြင်းဖြစ်ရာ သက်ဆိုင်ရာဌာနများ၏ ထောက်ခံချက်များ ရယူထားကြောင်း စိစစ်တွေ့ရှိခဲ့ပြီး တရားဝင်ကုန်စည်များသာဖြစ်ကြောင်းနှင့် အဆိုပါကုန်ပစ္စည်းများကို Water Front Trading Co.,Ltd မှ ကော့သောင်း မြို့သို့ တင်ပို့ခြင်းဖြစ်ကြောင်း သိရှိရပါသည်။
DOCA(ရန်ကုန်)