စားသုံးသူရေးရာဦးစီးဌာန၊ သထုံမြို့နယ်တာဝန်ခံသည် (၂၆-၃-၂၀၂၄) ရက်နေ့တွင် သထုံခရိုင်၊ ပြည်သူ့ကျန်းမာရေးဦးစီးဌာနမှူးရုံး၌ ကျင်းပပြုလုပ်သည့် သထုံမြို့နယ်ကျောင်းကျန်းမာရေး ကော်မတီအစည်းအဝေးသို့ တက်ရောက်ခဲ့သည်။ အဆိုပါအစည်းအဝေးသို့ မြို့နယ်စီမံအုပ်ချုပ်ရေးအဖွဲ့၊ မြို့နယ်ကျန်းမာရေးဦးစီးဌာန၊ မြို့နယ်အခြေခံပညာဦးစီးဌာန၊ မြို့နယ်စားသုံးသူရေးရာ ဦးစီးဌာနတို့မှ တာဝန်ရှိသူများတက်ရောက်ခဲ့ကြသည်။
ပထမဦးစွာ ကျောင်းကျန်းမာရေးကော်မတီအတွင်းရေးမှူးက ကော်မတီ၏လုပ်ငန်းစဉ် (၉) ရပ်ကိုရှင်းလင်းဆွေးနွေးခဲ့ပြီး (၂၀၂၃-၂၀၂၄) ပညာသင်နှစ် ကော်မတီ၏ လုပ်ငန်းဆောင်ရွက်ချက်၊ (၂၀၂၄-၂၀၂၅) ပညာသင်နှစ်တွင် ရှေ့ဆက်ဆောင်ရွက်မည့် လုပ်ငန်းစဉ်များကိုဆွေးနွေးခဲ့သည်။ ထို့နောက် တက်ရောက်လာသူများက အကြံပြုဆွေးနွေးခဲ့ကြရာ စားသုံးသူရေးရာဦးစီးဌာန၊ သထုံမြို့နယ်တာဝန်ခံက ကျောင်းမုန့်ဈေးတန်း၌ရောင်းချနေသော မုန့်ပဲသားရေစာများဘေးကင်းစေရေး၊ အသင့်စားမုန့်များတွင် ကုန်အညွှန်းအမှတ်အသားပြည့်စုံစွာဖော်ပြပါရှိရေးကိုလည်း ဦးစားပေးဆောင်ရွက်သင့်ကြောင်း အကြံပြုဆွေးနွေးခဲ့ကြောင်းသိရှိရပါသည်။
DOCA(မွန်)