၂၀၂၄ခုနှစ် ၊ မတ်လ ၂၀ရက်နေ့၊ နံနက်(၁၀:၀၀)နာရီအချိန်တွင် အစားအသောက်နှင့်ဆေးဝါးကွပ်ကဲရေးဦးစီးဌာန၊ တနင်္သာရီတိုင်းဒေသကြီးဦးစီးမှူးရုံး၊ ထားဝယ်မြို့တွင် ထားဝယ်ခရိုင်သောက် ရေသန့်လုပ်ငန်းရှင်များအသင်းဖွဲ့စည်းနိုင်ရေးနှင့် စားသုံးသူကာကွယ်ရေးဥပဒေအကြောင်းရှင်းလင်း ဆွေးနွေးပွဲကျင်းပပြုလုပ်ခဲ့ရာ ဆွေးနွေးပွဲသို့ စားသုံးသူရေးရာဦးစီးဌာနမှတာဝန်ရှိသူများ၊ အစားအ သောက်နှင့်ဆေးဝါကွပ်ကဲရေးဦးစီးဌာနမှတာဝန်ရှိသူများနှင့် ထားဝယ်ခရိုင်သောက်ရေသန့်လုပ်ငန်းရှင်များစုစုပေါင်း(၁၂)ဦးတက်ရောက်ခဲ့ပါသည်။
ဆွေးနွေးပွဲတွင် စားသုံးသူရေးရာဦးစီးဌာနမှ တိုင်းဒေသကြီးဦးစီးမှူး ဦးစိုးဦးက စီးပွားရေး လုပ်ငန်းရှင်များသည် ကုန်ညွှန်းအမှတ်အသားဖော်ပြခြင်းနှင့်စပ်လျဉ်း၍ စားသုံးသူကာကွယ်ရေး ဥပဒေအခန်း(၁၈)ပုဒ်မ ၄၁ အရကုန်စည်အမျိုးစားလိုက် ဥပဒေပါသတ်မှတ်ချက်များနှင့်အညီဆောင် ရွက်ရမည်ဖြစ်ပါကြောင်း ထို့အတူလုပ်ငန်းရှင်များအားလုံးစုပေါင်း၍ အသင်းဖွဲ့များဖွဲ့စည်းပြီး မိမိတို့ ၏အားနည်းချက်၊အားသာချက်များကို အစိုးရရုံးဌာနများနှင့် ပူးပေါင်းဆောင်ရွက်ကြရမည်ဖြစ် ကြောင်းရှင်းလင်းပြောကြားခဲ့ရာ တက်ရောက်လာသောသောက်ရေသန့်လုပ်ငန်းရှင်များမှာလည်း ရေသန့်လုပ်ငန်းရှင်များအသင်းအား မကြာမီ ဖွဲ့စည်းနိုင်ရေးဆောင်ရွက်ပြီး တိုင်းဒေသကြီးအတွင်း MSMEs လုပ်ငန်းများတိုးတက်ဖွံ့ဖြိုးအောင် ဆောင်ရွက်သွားမည်ဖြစ်ပါကြောင်း ပြောကြားခဲ့ကာ အစည်းအဝေးအား မွန်းလွဲ (၁၂:၀၀) အချိန်တွင် ပြီးမြောက်ခဲ့ကြောင်း သတင်းရရှိပါသည်။
DOCA(တနင်္သာရီ)