(၁၃.၃.၂၀၂၄)ရက်နေ့က စားသုံးသူရေးရာဦးစီးဌာန၊ ဓနုဖြူမြို့နယ်ဦးစီးမှူးရုံးမှ ဦးခိုင်လွမ်းမိုး (အငယ်တန်းစာရေး)က ချောင်းစောက်ကျေးရွာ ဓမ္မာရုံတွင် ကုန်မျိုးစုံလုပ်ငန်းရှင်(၁၀)ဦး နှင့် တွေ့ဆုံ၍ စားသုံးသူကာကွယ်ရေး အသိပညာပေး ဟောပြောခဲ့ကြသည်။
အဆိုပါဟောပြောမှုတွင် လုပ်ငန်းရှင်များအား စားသုံးသူကာကွယ်ရေးဥပဒေ(၂၀၁၉)ပါ အခန်း(၁၀)ပါ စီးပွားရေးလုပ်ငန်းရှင်၏ လိုက်နာရမည့်တာဝန်များအကြောင်းကိုလည်းကောင်း၊ စီးပွားရေးလုပ်ငန်းရှင်သည် ကုန်စည် ဝန်ဆောင်မှုနှင့် စပ်လျဉ်း၍ အာမခံချက်ပေးခြင်းအပေါ် လိုက်နာရမည့်အချက်များ၊ ဘေးအန္တရာယ်ရှိသော ကုန်စည်များကို ရောင်းချခြင်းမပြုရန်၊ သက်ဆိုင်ရာဌာနတို့၏ တားမြစ်ထုတ်ပြန်ထားသော ကုန်စည်များကို ရောင်းချခြင်းမပြုရန်၊ ကုန်အညွှန်းအမှတ်အသားမပါရှိသော ကုန်စည်များကို ရောင်းချခြင်း မပြုရန်နှင့် တားမြစ်ချက်များကို ကျူးလွန်ပါက စားသုံးသူကာကွယ်ရေးဥပဒေအရ အရေးယူဆောင်ရွက်ခံရမည်ဖြစ်ကြောင်း၊ အခန်း(၁၈) ကုန်အညွှန်းအမှတ်အသား ဖော်ပြခြင်းနှင့် စပ်လျဉ်း၍ လုပ်ငန်းရှင်များအား ရှင်းလင်းပြီး စားသုံးသူကာကွယ်ရေးလုပ်ငန်းစဉ်နှင့် ပတ်သက်၍ စီးပွားရေးလုပ်ငန်းရှင်များ အသေးစိတ် သိရှိလိုပါက Consumer Call Center 1535 သို့ ဆက်သွယ်မေးမြန်းနိုင််ပြီး၊ စားသုံးသူကာကွယ်ရေးဆိုင်ရာ လုပ်ငန်းစဉ်များ လှုပ်ရှားမှုဆိုင်ရာသတင်းများကို လေ့လာလိုပါက www.doca.gov.mm “စားသုံးသူရေးရာဦးစီးဌာန” website နှင့် Facebook page တွင်ဝင်ရောက် လေ့လာနိုင်ကြောင်းနှင့် လုပ်ငန်းရှင်များက သိရှိလိုသည်များမေးမြန်းခဲ့၍ အပြန်အလှန်ဆွေးနွေးခဲ့ကြောင်းသိရပါသည်။
DOCA(ဧရာဝတီ)