၂၀၂၄ခုနှစ်၊ မတ်လ ၁၃ရက်နေ့တွင် စစ်ကိုင်းတိုင်းဒေသကြီး၊ စားသုံးသူရေးရာဦးစီးဌာန၊ ကန့်ဘလူမြို့နယ်တာဝန်ခံ ဦးမျိုးဝင်းသန်းနှင့် ဒေါ်အိမွန်ကျော် (အငယ်တန်းစာရေး) တို့သည် အမှတ်(၃)ရပ်ကွက်၊ ကန့်ဘလူမြို့ရှိ ကောင်းသာ KBU သောက်ရေသန့်စက်ရုံသို့သွားရောက်ကွင်းဆင်း၍ လုပ်ငန်းရှင်နှင့်တွေ့ဆုံခဲ့ကြောင်းသိရသည်။
ရေသည် လူတို့၏ နေ့စဉ်ဘဝတွင် မရှိမဖြစ်အရေးပါသော အခန်းကဏ္ဍတွင်ပါဝင်နေသည်။ လူတို့နေ့စဉ်သောက်သုံးရန် ထုတ်လုပ်နေသော သောက်ရေသန့်စက်ရုံများသည် စားသုံးသူများ ဘေးအန္တရာယ်ကင်းရေးအတွက် သက်ဆိုင်ရာဌာနများ၏ အမိန့်၊ ညွှန်ကြားချက်များကို လိုက်နာဆောင်ရွက်ခြင်းရှိ/မရှိ၊ သောက်ရေသန့်ဘူးများပေါ်တွင် ကပ်နှိပ်ထားသော ကုန်အညွှန်းအမှတ် အသားများမှာ ညွှန်ကြားချက်များအတိုင်း လိုက်နာဆောင်ရွက်ထားမှုးရှိ/မရှိ ကွင်းဆင်းတွေ့ဆုံခဲ့ပါသည်။ သောက်ရေသန့်ရရှိရန်အတွက် ထုတ်လုပ်မှုအဆင့်ဆင့်တွင် သန့်ရှင်းသပ်ရပ်မှုရှိစေရေးနှင့် စားသုံးသူများဘေးကင်းလုံခြုံစိတ်ချရမှုရှိစေရေး အလေးထားဆောင်ရွက်သွားရန် အသိပညာပေးဆွေးနွေးခဲ့သည်။
ဆက်လက်၍ နေ့စဉ်သောက်ရေသန့်ထုတ်လုပ်မှု၊ ဖြန့်ဖြူးမှုအခြေအနေများကိုလည်းကောင်း၊ ဈေးနှုန်းဈေးကွက်အခြေအနေကိုလည်းကောင်း၊ ကုန်ကြမ်းပစ္စည်းပြတ်လပ်မှုရှိ/မရှိ ကွင်းဆင်းစစ်ဆေးခဲ့ရာ ကုန်အညွှန်းအမှတ်အသားများကို မြန်မာဘာသာဖြင့် ပြည့်စုံစွာဖော်ပြထားကြောင်းနှင့် ကုန်ကြမ်းပစ္စည်းများပြတ်လပ်မှုမရှိကြောင်း စစ်ဆေးတွေ့ရှိရပြီး စီးပွားရေးလုပ်ငန်းရှင်၏ တာဝန်များပါသော အသိပညာပေးလက်ကမ်းစာစောင်များဖြန့်ဝေပေးခဲ့ကြောင်းသိရှိရပါသည်။
DOCA(စစ်ကိုင်း)