စားသုံးသူရေးရာဦးစီးဌာန၊ ကသာခရိုင်ဦးစီးမှူးနှင့် ဒု-ခရိုင်ဦးစီးမှူးတို့သည် ၂၀၂၄ ခုနှစ် ဖေဖော်ဝါရီလ (၁၅)ရက်နေ့ ၊နေ့လယ်(၁၃:၀၀)နာရီအချိန်တွင် ကသာခရိုင်ဦးစီးမှူးရုံး၌ ကသာမြို့မှ စက်သုံးဆီလုပ်ငန်းရှင်များနှင့်တွေ့ဆုံ၍ စားသုံးသူကာကွယ်ရေးဥပဒေပါ ပြဌာန်းချက်များ၊ စက်သုံးဆီရောင်းချမှုနှင့် ပတ်သက်သည့်ကိစ္စရပ်များအား အသိပညာပေးဆွေးနွေးဟောပြောခြင်း ဆောင်ရွက်ခဲ့ပါသည်။
ဆွေးနွေးပွဲတွင် ခရိုင်ဦးစီးမှူး ဦးငြိမ်းချမ်းသူ (လ/ထညွှန်ကြားရေးမှူး)မှ စားသုံးသူကာကွယ် ရေးဥပဒေနှင့် နည်းဥပဒေများ အတည်ပြုပြဌာန်းထားမှုအပေါ် ဌာနအနေဖြင့် အကောင်အထည်ဖော် ဆောင်ရွက်လျက်ရှိပါကြောင်း၊ စက်သုံးဆီနှင့်ပတ်သက်၍ အထူးဈေးကွက်စောင့်ကြည့်စစ်ဆေးရန် ညွှန်ကြားချက်များရှိသည့်အတွက် သတ်မှတ်ရည်ညွှန်းဈေးများဖြင့် ရောင်းချခြင်း ရှိ/မရှိ၊ ပမာဏ အကန့်အသတ်ဖြင့် ရောင်းချမှု ရှိ/မရှိ စသည်တို့ကို စစ်ဆေးကြပ်မတ်ဆောင်ရွက်သွားမည်ဖြစ်ပါ ကြောင်း ဟောပြောဆွေးနွေးခဲ့ပါသည်။
ဆက်လက်၍ ဒု-ခရိုင်ဦးစီးမှူး ဦးကြည်နိုင်ဦး (ဦးစီးမှူး)က စားသုံးသူကာကွယ်ရေးဥပဒေ အခန်း(၉) ပုဒ်မ(၁၉)တွင်ပါရှိသော စားသုံးသူ၏အခွင့်အရေးနှင့်တာဝန်များ၊ စီးပွားရေးလုပ်ငန်းရှင်များ လိုက်နာရမည့်လုပ်ငန်းတာဝန်များနှင့် သက်ဆိုင်ရာဌာနများမှ တားမြစ်ထားသော စားသောက်ကုန်များ၊ ဘေးအန္တရာယ်ရှိသော စားသောက်ကုန်များစသည်တို့ကို သိရှိစေရန် အသိပညာပေး ဟောပြောခဲ့ပြီး တက်ရောက်လာသည့် လုပ်ငန်းရှင်များသို့ စားသုံးသူကာကွယ်ရေး အသိပညာပေး လက်ကမ်းစာစောင်များ ဖြန့်ဝေပေးခဲ့ကြောင်း သိရှိရပါသည်။
DOCA(စစ်ကိုင်း)