မကွေးတိုင်းဒေသကြီး၊ ပခုက္ကူခရိုင်၊ ဆိပ်ဖြူကုန်စည်ဒိုင် ကြက်သွန်နီဈေးကွက်သို့ မိုးကြက်သွန်နီများ ဇန်နဝါရီလ(၁၅)ရက်မှ (၂၁)ရက်ထိ ကြက်သွန်နီလှိုင်လှိုင်တူးဖော်လျက်ရှိသော ဒေသများဖြစ် သော ဆိပ်ဖြူမြို့ အနောက်ပိုင်း/ ရွာသစ်ရပ်ကွက်၊ ကိုးတောင့်အုပ်စု၊ ချင်တောင်အုပ်စု၊ မြင်ကဝ အုပ်စုအတွင်းရှိ ကျေးရွာများ၊ ဆင်ဖြူကျွန်း၊ စလင်းမြို့နယ်အတွင်းရှိ ကျေးရွာများနှင့် ရေနံချောင်း မြို့နယ်အတွင်းရှိ ကျေးရွာများမှ ကုန်စည်ဒိုင်သို့ နေ့စဉ် ပိဿာ(၆)သောင်းမှ (၈)သောင်းအထိ တစ်ပတ် အတွင်း ကုန်ချိန်ပိဿာ (၅)သိန်းခန့် ဝင်ရောက်ခဲ့လျက်ရှိကြောင်း ဈေးကွက်မှ သိရှိရပါသည်။
ကြက်သွန်နီဈေးကွက်အနေဖြင့် ၂၀၂၄ခုနှစ်၊ ဇန်နဝါရီလ(တတိယပတ်)တွင် ဈေးဆက်လက် ကျဆင်း၍ အရောင်းအဝယ်ဖြစ်လျက်ရှိသည်။ မိုးကြက်သွန်နီတစ်ပိဿာလျှင် ထိပ်စ အမြင့်ဈေး ကျပ် (၁၉၅၀-၁၈၀၀-၁၇၀၀)၊ အလတ်စ ကျပ်(၁၆၀၀-၁၅၅၀-၁၅၀၀)၊ အနိမ့်စ ကျပ်(၁၄၀၀-၁၃၅၀-၁၃၀၀) အရောင်းအဝယ်ဖြစ်ခဲ့ပြီး ရေနံချောင်းကြက်သွန်နီ ထိပ်စ တစ်ပိဿာလျှင် ကျပ်(၁၇၀၀-၁၆၀၀-၁၄၇၅) ဈေးအသီးသီးဖြင့် အရောင်းအဝယ်ဖြစ်ခဲ့ကြောင်း၊ ယခင်ဇန်နဝါရီလ(ဒုတိယပတ်)တွင် ကြက်သွန်နီ ထိပ်စ အမြင့်ဈေးမှာ ကျပ်(၂၃၂၅-၂၂၀၀-၁၈၅၀)ဈေးဖြင့် အရောင်းအဝယ်ဖြစ်ခဲ့၍ ယခုတစ်ပတ်တွင် ကြက် သွန်နီ တစ်ပိဿာလျှင် ထိပ်စကျပ်(၃၀၀)၊ အလတ်စနှင့်အသေးစ ကျပ်(၂၀၀)ခန့် ဈေးကျဆင်း၍ အရောင်းအဝယ်ဖြစ်ကြောင်း၊ ပြည်တွင်းဖြန့်ဖြူးမှုများပြီး ပြည်ပဝယ်လက်နည်း၍ ကြက်သွန်နီဈေးကွက် အနည်းငယ်ကျဆင်းကြောင်း၊ ဆိပ်ဖြူမြို့မှ ကြက်သွန်နီများကို ရန်ကုန်ဘုရင့်နောင်ကုန်စည်ဒိုင်နှင့် ပြည်၊ ပုသိမ်မြို့နှင့် မြဝတီမြို့မှတစ်ဆင့် ထိုင်း၊ ဗီယက်နမ်နိုင်ငံများသို့ ကြက်သွန်နီကုန်ချိန် ပိဿာ (၆)သိန်းခန့်၊ တန်ချိန်(၉၈၀)ခန့် ကုန်စည်စီးဆင်းခဲ့ကြောင်း ကုန်စည်ဒိုင်ဈေးကွက်မှ သိရှိရပါသည်။
DOCA(မကွေး)