ပဲခူးတိုင်းဒေသကြီး၊ နတ်တလင်းခရိုင်၊ ပေါင်းတည်မြို့နယ်အတွင်းရှိ စားဖိုဆောင်သုံး ကုန်စည်ဖြစ်သော ကြက်သွန်နီဈေးကွက်မှာ ၂၀၂၄ခုနှစ်၊ ဇန်နဝါရီလ ဒုတိယပတ်နှင့် တတိယပတ်တို့တွင် ကြက်သွန်နီအကြီးတစ်ပိဿာလျှင် (၄၃၀၀)ကျပ်ရှိခဲ့ပြီး အလုံးသေးတစ်ပိဿာလျှင် (၃၅၀၀-၃၈၀၀)ကျပ်၊ ငရုတ်ခြောက်ရှည်တစ်ပိဿာလျှင် (၁၅၀၀၀)ကျပ်၊ အာလူးတစ်ပိဿာလျှင် (၃၄၀၀)ကျပ်ဖြင့်အရောင်းအဝယ်ဖြစ်ခဲ့ပြီး ယခုဇန်နဝါရီလ စတုတ္ထပတ်တွင် ကြက်သွန်နီအကြီးတစ်ပိဿာလျှင် (၃၀၀၀-၃၃၀၀)ကျပ်၊ အလုံးသေးတစ်ပိဿာလျှင် (၂၄၀၀) ကျပ်၊ ငရုတ်ခြောက်ရှည်တစ်ပိဿာလျှင် (၁၄၀၀၀)ကျပ်၊ အာလူးတစ်ပိဿာလျှင် (၃၆၀၀)ကျပ်ဖြင့်ရောင်းဝယ်နေကြကြောင်းသိရှိရပါသည်။
ပေါင်းတည်မြို့နယ်အတွင်းရှိ စားဖိုဆောင်သုံး ကုန်စည်ဖြစ်သော ကြက်သွန်နီနှင့်ငရုတ်ခြောက်ဈေးနှုန်းတို့မှာ ယခုဇန်နဝါရီလ စတုတ္ထပတ်တွင် အနည်းငယ်ကျဆင်းလာခဲ့ပြီး အာလူးဈေးနှုန်းမှာ အနည်းငယ်မြင့်တက်လာခဲ့ကြောင်းသိရှိရပါသည်။ ကြက်သွန်နီဈေးနှုန်းကျဆင်းလာရခြင်းမှာ ကြက်သွန်နီအသစ်များဝင်ရောက်မှုကြောင့်ဖြစ်ကြောင်းလည်းသိရှိရပါသည်။
DOCA(ပဲခူး)