ပဲခူးတိုင်းဒေသကြီး၊ နတ်တလင်းခရိုင်၊ ဇီးကုန်းမြို့နယ်ရှိ ပဲမျိုးစုံရောင်းဝယ်ရေးပွဲရုံများတွင် ဇန်နဝါရီလအတွင်း မတ်ပဲအရောင်းအဝယ်အေးလျက်ရှိပါသည်။
ယခင်ဒီဇင်ဘာလ တတိယပတ်တွင် အရောင်းအဝယ်ဖြစ်ခဲ့သော မတ်ပဲဈေးနှုန်းမှာ ပိဿာ (၂၀) ဝင်တစ်တင်းလျှင် (၉၂၀၀၀-၉၃၀၀၀)ကျပ်ရှိခဲ့ပြီး စတုတ္တအပတ်တွင် တစ်တင်းလျှင် (၉၃၀၀၀-၉၃၅၀၀) ကျပ်ဈေးနှုန်းဖြစ်ခဲ့ပါသည်။ ၂၀၂၄ခုနှစ်၊ ဇန်နဝါရီလ ပထမပတ်တွင် ပိဿာ (၂၀) ဝင်တစ်တင်းလျှင် (၉၈၀၀၀ - ၉၈၅၀၀) ကျပ်အထိဈေးနှုန်းမြင့်တက်ခဲ့ပါသည်။ ယခု ဇန်နဝါရီလ တတိယပတ်တွင် ပိဿာ (၂၀) ဝင်တစ်တင်းလျှင် (၉၆၅၀၀-၉၆၀၀၀)ကျပ်ရှိသဖြင့် ဈေးနှုန်းပြန်လည်ကျဆင်းသွားကြောင်းသိရပါသည်။
ရောင်းချမှုအနေဖြင့် ပဲအသစ်များမထွက်ရှိသေးသည့်အတွက် မတ်ပဲပွဲရုံများတွင် ဈေးနှုန်းဖွင့်ထားသော်လည်း အရောင်းအဝယ်အေးလျက်ရှိကြောင်းသိရပါသည်။
DOCA(ပဲခူး)