နတ်တလင်းခရိုင်၊ ပေါင်းတည်မြို့နယ်၊ စားသုံးသူရေးရာဦးစီးဌာနနှင့် ပြန်ကြားရေးနှင့်ပြည်သူ့ဆက်ဆံရေးဦးစီးဌာနတို့ပူးပေါင်း၍ မြို့နယ်စားသုံးသူရေးရာဦးစီးဌာန၊ မြို့နယ်တာဝန်ခံနှင့် ဝန်ထမ်းများ၊ မြို့နယ်ပြန်ကြားရေးနှင့်ပြည်သူဆက်ဆံရေးဦးစီးဌာနမှ ဦးစီးမှူးနှင့်ဝန်ထမ်းများအဖွဲ့သည် (၂၅-၁-၂၀၂၄) ရက်နေ့၊ နံနက် (၀၉:၀၀)နာရီအချိန်တွင် ပေါင်းတည်မြို့နယ်၊ ကျောင်းကုန်းကျေးရွာ၊ အခြေခံပညာမူလတန်းကျောင်းရှိ ဆရာ/ဆရာမ၊ ကျောင်းသား/ကျောင်သူများအား စားသုံးသူအသိပညာပေးဟောပြောဆွေးနွေးပွဲပြုလုပ်ခဲ့ပါသည်။
အဆိုပါဟောပြောဆွေးနွေးပွဲတွင် စားသုံးသူရေးရာဦးစီးဌာန၊ မြို့နယ်တာဝန်ခံ ဦးနိုင်ဝင်းသိန်းက စားသုံးသူကာကွယ်ရေးဥပဒေ အခန်း (၁၈)၊ ပုဒ်မ(၄၁)၊ ပုဒ်မခွဲ (ခ)၊ (ဂ)နှင့် (ဆ) တို့ပါ ကုန်စည်၏အမျိုးအမည်၊ အရွယ်အစား၊ အရေအတွက်၊ ထုတ်လုပ်သည့်ရက်စွဲနှင့် ဓာတ်မတည့်ကြောင်းဖော်ပြချက်တို့ကို အသေးစိတ်ရှင်းလင်းပြောကြားခဲ့ပြီး ကုန်ညွှန်းအမှတ်အသား ပြည့်စုံမှုရှိသည့် မုန့်အမျိုးအစားများကိုသာ ရွေးချယ်ဝယ်ယူစားသုံးကြရန်လိုအပ်ကြောင်း ဟောပြောဆွေးနွေးခဲ့ပါသည်။ ဆက်လက်၍ ပြန်ကြားရေးနှင့်ပြည်သူဆက်ဆံရေးဦးစီးဌာန၊ ဦးစီးမှူး ဒေါ်အေးစုစံက လူကုန်ကူးမှုတားဆီးကာကွယ်ရေးအကြောင်း အသိပညာပေးပြောကြားခဲ့ပြီး နံရံကပ်ပိုစတာများဖြင့် လူကုန်ကူးမှုအန္တရာယ်တားဆီးကာကွယ်ရေးအကြောင်းကို ရှင်းလင်းဆွေးနွေးခဲ့ရာ အဆိုပါဆွေးနွေးပွဲသို့ ဆရာ/ ဆရာမနှင့် ကျောင်းသား/ ကျောင်းသူ (၆၅) ဦးတက်ရောက်ခဲ့ကြောင်းသိရှိရပါသည်။
DOCA(ပဲခူး)