စီးပွားရေးတိုးတက်ကောင်းမွန်သည့် ရော်ဘာကဏ္ဍ

    မွန်ပြည်နယ်သည် မြန်မာနိုင်ငံတွင် ရော်ဘာစိုက်ပျိုးထုတ်လုပ်မှု အများဆုံးပြည်နယ် ဖြစ်ပြီး တစ်နိုင်ငံလုံးစိုက်ပျိုးမှု၏ (၄၀%)ဖြစ်သည်။ ထွက်ရှိမှုမှာ တစ်နိုင်ငံလုံး၏(၈၀%)ရှိသည်။

     နိုင်ငံတော်၏ စီးပွားရေးဦးတည်ချက်(၃)ရပ်မှာ (၁)တိုင်းပြည်သာယာဝပြောရေးနှင့် စားရေရိက္ခာဖူလုံရေးတို့အတွက် တိုင်းရင်းသားပြည်သူတစ်ရပ်လုံးနှင့်အကျုံးဝင်သော စိုက်ပျိုးရေး နှင့်‌မွေးမြူရေးကို ခေတ်မီနည်းစနစ်များဖြင့် တိုးတက်အောင်ဆောင်ရွက်ပြီး အခြား စီးပွားရေးကဏ္ဍများကိုလည်း ဘက်စုံဖွံ့ဖြိုးတိုးတက်အောင်တည်ဆောက်ရေး။ (၂)တိုးတက်ကောင်းမွန်လာသည့် စီးပွားရေး မောင်းနှင်အားကို မဏ္ဍိုင်ပြု၍ MSME စက်မှုလုပ်ငန်းများကို အားပေးဆောင်ရွက်ကာ ပို့ကုန်ကဏ္ဍ မြှင့်တင်ရေးနှင့် (၃)ပြည်တွင်းစားသုံးဆီဖူလုံရေးအတွက် ဆီထွက်သီးနှံစိုက်ပျိုးမှုကို အားပေးမြှင့်တင် ပြီး ပန်းတိုင်ရည်မှန်းချက်အတိုင်း ထွက်ရှိအောင်ဆောင်ရွက်၍ နိုင်ငံအတွင်းဖူလုံမှသည် ပြည်ပသို့ တင်ပို့နိုင်သည်အထိ ကြိုးပမ်းဆောင်ရွက်ရေးတို့ဖြစ်ပါသည်။ အဆိုပါ စီးပွားရေးဦးတည်ချက် (၃)ရပ်နှင့် အညီ ရော်ဘာလုပ်ငန်းသည် နိုင်ငံတော်အတွက် စက်မှုကုန်ကြမ်းများ တိုးတက်ရရှိခြင်း၊ အသေးစား စီးပွားရေးနှင့် MSME စီးပွားရေးလုပ်ငန်းများအတွက် စက်မှုကုန်ကြမ်းရရှိစေသည့် အတွက် နိုင်ငံတော်က အလေးထားနေရသော လုပ်ငန်းတစ်ခုဖြစ်သည်။

     ရော်ဘာစိုက်ပျိုးသူများမှာ မြန်မာ့နှစ်ရှည်ပင်လုပ်ငန်းမှ စိုက်ပျိုးထောက်ခံသော မျိုးများကို စိုက်ပျိုးလျက်ရှိပြီး မျိုးသစ်များဖြစ်သော RRIM 2000 Series (Cones) များကို လည်း တိုးချဲ့စိုက်ပျိုးလာကြောင်း တွေ့ရှိရပါသည်။ သုတေသနတွေ့ရှိချက်များအရ ၎င်းစိုက်ခင်းများမှ လက်တွေ့သိရှိရသော ထွက်ရှိမှု၊ ကြီးထွားမှု၊ ရောဂါဒဏ်ခံနိုင်မှုစသည့် အချက်အလက်များနှင့် မွန်ပြည်နယ်နှင့် ရေမြေသဘာဝရာသီဥတုနှင့်ကိုက်ညီသော မျိုးစိတ်များကိုသာစိုက်ပျိုးသည်။

     မွန်ပြည်နယ်တွင် ထုတ်လုပ်ရောင်းဝယ်နေသော ရော်ဘာအမျိုးအစားများမှာ RSS (Ribbed smoke sheets )နှင့် TSR (Technically Specified Rubber) များဖြစ်ကြသည်။  မှိုင်းခံရော်ဘာအတန်း အစား(၅)မျိုးရှိရာ RSS 1, RSS 2, RSS 3, RSS 4, RSS 5 ဟူ၍ ခွဲခြားသတ်မှတ်ထားသည်။ မွန်ပြည်နယ်ရှိ ရော်ဘာခြံအများစုမှာ မှိုင်းခံရုံမရှိ၍ ရော်ဘာကို နေလှမ်းအစိမ်းပြားအနေဖြင့်သာ ရောင်းချမှုများပြားသည်။ မှိုင်းခံရုံရှိသောခြံအနည်းအကျဉ်းသာ         ရော်ဘာကိုမှိုင်းခံ၍        မှိုင်းခံရော်ဘာအဖြစ်ရောင်းချသည်။   ပြည်နယ်တွင်း သုံးစွဲမှုအနေဖြင့် တာယာစက်ရုံ၊  ခရမ့်ရာဘာစက်ရုံ၊  သရေကွင်း၊  ပူဖောင်း၊    ဘောလုံး၊ ဖိနပ်    လုပ်ငန်းများမှ     တန်ချိန်(၁၂၀၀၀)ခန့် သုံးစွဲပါသည်။ စီးဆင်းမှုအနေဖြင့် ပြည်တွင်းသုံးစွဲမှုမှ ပိုလျှံသောရော်ဘာများကို ပုဂ္ဂလိကဝယ်လက်များမှတစ်ဆင့် ရော်ဘာအဝယ်ဒိုင်၊ ကုမ္ပဏီများတွင် စုစည်းကာ ရန်ကုန်နှင့်မန္တလေးရှိ ကုမ္ပဏီကြီးများသို့ တင်ပို့ပြီး ထိုမှတစ်ဆင့် ပြည်ပသို့ တင်ပို့ပါသည်။

                   ၂၀၂၂ -၂၀၂၃ ဘဏ္ဍာနှစ် ရာဘာ စိုက် အောင် ထွက်၊ သုံးစွဲ၊ ပိုလျှံမှု

ရေတွက်ပုံ-ပေါင်/တန်

စဉ်	မြို့နယ်	စိုက်ဧက	အစေးလှီးဧက	အထွက်နှုန်း	အထွက်ပေါင်း (‌ပေါင်)	အထွက်ပေါင်း (‌ပေါင်)	မှတ်ချက်
၁	ကျိုက်ထို	၃၇၂၅၁	၁၄၇၀၃	၃၀၃.၄၀	၄၄၆၀၈၉၁	၂၀၂၃
၂	ဘီးလင်း	၂၄၆၄၂	၁၈၃၆၃	၃၀၂.၂၀	၅၅၄၉၂၉၇	၂၅၁၇
၃	သထုံ	၄၇၇၁၉	၂၄၈၂၀	၂၈၇.၃၀	၇၁၃၀၇၈၆	၃၂၃၄
၄	ပေါင်	၁၉၉၄၃	၁၁၂၇၂	၁၉၃.၂၄	၂၁၇၈၁၉၇	၉၈၈
သထုံခရိုင်		၁၂၉၅၅၅	၆၉၁၅၈	၂၇၉.၃၅	၁၉၃၁၉၁၇၁	၈၇၆၃
၅	မော်လမြိုင်	၂၂၂၅	၁၆၉၈	၃၁၇.၅၀	၅၃၉၁၁၅	၂၄၅
၆	ချောင်းဆုံ	၅၉၂၆	၅၁၉၀	၂၄၄.၀၀	၁၂၆၆၃၆၀	၅၇၄
၇	ကျိုက်မရော	၈၆၆၁၇	၄၈၃၂၅	၂၅၈.၉၂	၁၂၅၁၂၃၀၉	၅၆၇၆
၈	မုဒုံ	၅၉၉၇၆	၄၀၅၄၃	၁၉၉.၈၂	၈၁၀၁၂၅၀	၃၆၇၅
၉	သံဖြူဇရပ်	၆၈၈၂၃	၅၀၈၇၅	၃၈၇.၆၃	၁၉၇၂၀၆၀၆	၈၉၄၅
၁၀	ရေး	၁၅၁၈၆၆	၁၁၅၂၉၅	၇၉၁.၈၅	၅၄၆၈၇၃၀၆	၂၄၈၀၆
မော်လမြိုင်ခရိုင်		၃၇၅၄၃၃	၂၆၁၉၂၆	၃၆၉.၆၇	၉၆၈၂၆၉၄၆	၄၃၉၂၀
ပြည်နယ်ချုပ်		၅၀၄၉၈၈	၃၃၁၀၈၄	၃၅၀.၈၁	၁၁၆၁၄၆၁၁၇	၅၂၆၈၃

 

        မွန်ပြည်နယ်အတွင်းရှိ  ရော်ဘာအဝယ်ဒိုင်များအနေဖြင့် အပတ်စဉ် အရောင်းအဝယ်ပုံမှန်ရှိနေ သည်။ ၂၀၂၃ ခုနှစ်၊ ဇန်နဝါရီလတွင် ရော်ဘောဈေးနှုန်းမှာ အဖွင့်ရာသီတွင် RSS 3 တစ်ပေါင်လျှင် (၁၀၈၀)ကျပ် ဈေးနှုန်းရှိပြီး ၂၀၂၃ခုနှစ် ဒီဇင်ဘာလတွင် ရော်ဘာဈေးနှုန်းမှာ  RSS 3 တစ်ပေါင်လျှင် (၁၆၂၀)ကျပ်ထိ ဈေးနှုန်းမြှင့်တက်လာခဲ့သည်။ မော်လမြိုင်မှ ရန်ကုန်မြို့သို့ မော်တော်ယာဉ်ဖြင့် သယ်ယူနှုန်းမှာ(50kg)ပါတစ်ထုပ်လျှင် (၁၅၀၀)ကျပ်၊ ရော်ဘာတစ်တန်လျှင် (၃၀၀၀၀)ကျပ်ဖြင့် လည်းကောင်း၊ မော်လမြိုင်မှမန္တလေးမြို့(50kg)ပါတစ်ထုပ်လျှင်(၂၅၀၀)ကျပ်၊ ရော်ဘာတစ်တန် လျှင် (၅၀၀၀၀)ကျပ်လည်းကောင်း သယ်ယူပို့ဆောင်ခဖြစ်၍ သယ်ယူပို့ဆောင်ခ မှာဒေသအလိုက် အနည်းအများကွာခြားမှုရှိသည်။

၂၀၂၃ ခုနှစ်အတွင်း  မွန်ပြည်နယ် ရော်ဘာ ဈေးနှုန်းအခြေအနေ စဉ် လအမည် RSS 3 ဈေးနှုန်း (ငွေကျပ်) မှတ်ချက် ၁ ဇန်နဝါရီလ ၁၂၄၀ ကျပ် အပတ်စဉ်ဈေးနှုန်း ပြောင်းလဲ ၂ ဖေဖော်ဝါရီလ ၁၃၂၅ ကျပ် သည်။ ၃ မတ်လ ၁၃၃၀ ကျပ်   ၄ ဧပြီလ ၁၃၄၀ ကျပ်   ၅ မေလ ၁၃၇၀ ကျပ်   ၆ ဇွန်လ ၁၅၁၀ ကျပ်   ၇ ဇူလိုင်လ ၁၅၃၀ ကျပ်   ၈ ဩဂုတ်လ ၁၇၀၀ ကျပ်   ၉ စက်တင်ဘာလ ၁၆၀၀ ကျပ်   ၁၀ အောက်တိုဘာလ ၁၇၅၀ ကျပ်   ၁၁ နိုဝင်ဘာလ ၁၆၅၀ ကျပ်   ၁၂ ဒီဇင်ဘာလ ၁၆၂၀ ကျပ်

ပြည်နယ်အတွင်းအရောင်းအဝယ်ဖြစ်သည့် ရော်ဘာထွက်ကုန်ပစ္စည်းအမျိုးအစားအများ စုမှာ TSR, Crump Rubber များအား ပြုပြင်ထုပ်လုပ်၍ ပြည်ပသို့တင်ပို့ခြင်းဆောင်ရွက်ပြီး RSS 3 အား ပြည်တွင်းရောင်းဝယ်မှုနှင့် ပြည်ပတင်ပို့မှုပုံစံဖြင့်လည်းကောင်း၊ အထူပြားများ၊ ခွက်ကပ်၊ ဆွဲဖတ် များကိုလုပ်သားစရိတ်လျှော့ချနိုင်ရေးအတွက် TSR စက်ရုံများသို့ပေးပို့ ရောင်းဝယ်မှုများရှိသည်။ ပြည်တွင်း၌     ရော်ဘာကုန်ကြမ်းအသုံးပြုပြီး    ထုတ်လုပ်သည့်   အဆင့်မြင့်   စက်ရုံများ

နည်းပါးခြင်းကြောင့် ပြည်တွင်း၌ ရော်ဘာထုတ်ကုန် အနည်းငယ်သာရှိပြီး နှစ်စဉ်ထုတ်လုပ်မှု ၏ (၉၀%)သည်ပိုလျှံနေမှုများရှိနေသည်။ ပိုလျှံထုတ်ကုန်များကို ပုံမှန်အားဖြင့် တရုတ်ဈေးကွက် တစ်ခုထဲကိုသာ မှီခိုနေရသောကြောင့် ဈေးကွက်ရွေးချယ် ဝယ်ယူနိုင်မှုနည်းပါးခြင်း၊ ဈေးနှိမ်ခံရ ခြင်းနှင့်ဈေးကွက်အာမခံမှုမရှိခြင်းတို့တွေ့ရှိရသည်။

၂၀၂၃ -၂၀၂၄ ဘဏ္ဍာနှစ်၊ ရာဘာ စိုက် အောင် ထွက်၊ သုံးစွဲ၊ ပိုလျှံမှု
ရေတွက်ပုံ-ပေါင်/တန်
စဉ်		မြို့နယ်	စိုက်ဧက	အစေးလှီးဧက	အထွက်နှုန်း	အထွက်ပေါင်း	အထွက်ပေါင်း	မှတ်ချက်
						(ပေါင်)	(တန်)
၁		ကျိုက်ထို	၃၇၂၅၁	၂၂၇၀၈	၂၇၁.၉၅	၆၁၇၅၅၄၂	၂၈၀၁
၂		ဘီးလင်း	၂၄၆၄၂	၁၈၃၆၃	၃၅၀.၂၂	၆၄၃၁၀၉၀	၂၉၁၇
၃		သထုံ	၄၇၇၁၉	၂၄၈၂၀	၂၉၅.၇၅	၇၃၄၀၅၁၅	၃၃၃၀
၄		ပေါင်	၁၉၉၄၃	၁၁၂၇၂	၁၈၇.၇၅	၂၁၁၆၃၁၈	၉၆၀
သထုံခရိုင်			၁၂၉၅၅၅	၇၇၁၆၃	၂၈၅.၉၃	၂၂၀၆၃၄၆၅	၁၀၀၀၈
၅	မော်လမြိုင်		၂၁၉၅	၁၆၉၈	၄၁၈.၅၅	၇၁၀၆၉၈	၃၂၂
၆	ချောင်းဆုံ		၅၉၂၆	၅၁၉၀	၂၄၆.၀၀	၁၂၇၆၇၄၀	၅၇၉
၇	ကျိုက်မရော		၈၈၁၂၁	၅၇၆၃၀	၂၆၀.၃၉	၁၅၀၀၆၀၁၀	၆၈၀၇
၈	မုဒုံ		၅၉၉၆၉	၄၄၂၀၉	၁၉၉.၉၆	၈၈၄၀၂၅၀	၄၀၁၀
၉	သံဖြူဇရပ်		၆၈၈၁၄	၅၀၈၇၅	၃၆၈.၃၇	၁၈၇၄၀၉၀၀	၈၅၀၁
၁၀	ရေး		၁၅၁၈၆၄	၁၁၅၂၉၅	၄၇၄.၈၀	၅၄၇၄၂၅၅၆	၂၄၈၃၁
မော်လမြိုင်ခရိုင်			၃၇၆၈၈၉	၂၇၄၈၉၇	၂၇၉.၂၉	၉၉၃၁၇၁၅၄	၄၅၀၅၀
ပြည်နယ်ချုပ်			၅၀၆၄၄၄	၃၅၂၀၆၀	၃၄၄.၇၇	၁၂၁၃၈၀၆၁၉	၅၅၀၅၈

  မွန်ပြည်နယ်တွင် ရော်ဘာစိုက်ဧက ငါးသိန်းကျော်ရှိပြီး တစ်နိုင်ငံလုံးစိုက်ဧက၏ ၃၅ ရာခိုင်နှုန်းခန့်ရှိသည်။ မွန်ပြည်နယ်တွင် မှိုင်းခံရော်ဘာအစုအဖွဲ့ကိုလည်းဖွဲ့စည်းထားရှိပြီးဖြစ်ရာ SME ချေးငွေကျပ်သိန်းတစ်သောင်းခွဲဖြင့် မှိုင်းခံစက်ရုံ ၁၅ရုံတည်ဆောက် လည်ပတ်လျက်ရှိသည်။ ရော်ဘာကဏ္ဍဖွံ့ဖြိုးတိုးတက်ရေးအတွက် စီးပွားရေးကြိုတင်စီစဉ်မှု (Business Plan ) ကိုလည်း ရေးဆွဲခြင်းများ ပြုလုပ်လျက်ရှိနေပြီဖြစ်သည်။  

မွန်ပြည်နယ်၊ မြို့နယ်အလိုက် ၂၀၂၄ခုနှစ် ဇန်နဝါရီလဆန်းတွင် ဖြစ်ပေါ်နေသော ရော်ဘာဈေးနှုန်း

စဉ်	မြို့နယ်အမည်	RSS 1	RSS 2	RSS 3	RSS 5
၁	မော်လမြိုင်	-	-	1610 Ks	-
၂	ကျိုက်မရော	-	-	1600 Ks	-
၃	ချောင်းဆုံ	-	-	1560 Ks	1270 Ks
၄	မုဒုံ	-	-	1650 Ks	-
၅	သံဖြူဇရပ်	-	-	1630 Ks	1530 Ks
၆	ရေး	-	-	1360 Ks	1250 Ks
၇	ပေါင်	-	-	1630 Ks	-
၈	သထုံ	-	-	1580 Ks	1480 Ks
၉	ဘီးလင်း	-	-	1610 Ks	1510 Ks
၁၀	ကျိုက်ထို	-	-	1620 Ks	1500 Ks

 

မွန်ပြည်နယ်ရှိ ၂၀၂၄ ခုနှစ်၊ ဇန်နဝါရီလအတွင်း  ရော်ဘာ ဈေးနှုန်းအခြေအနေ

စဉ်	လအမည်	RSS 3 ဈေးနှုန်း (ငွေကျပ်)	မှတ်ချက်
၁	ဇန်နဝါရီလ	၁၆၁၀ ကျပ်	အပတ်စဉ်ဈေးနှုန်းပြောင်းလဲမှုရှိသည်။

         

    ယခင်နှစ်၂၀၂၃ခုနှစ် ဇန်နဝါရီ (၁၂၄၀)ကျပ်၊ ယခုနှစ် ၂၀၂၄ ခုနှစ် ဇန်နဝါရီလ (၁၆၁၀) ကျပ် ကွာခြားမှု (၄၃၀)ကျပ်  ဈေးနှုန်းတက်လာခဲ့ပါသည်။ ၂၀၂၄ ခုနှစ်တွင် မွန်ပြည်နယ်သည် ရော်ဘာ ကဏ္ဍဖြင့် ဒေသစီးပွားရေးဖွံဖြိုး တိုးတက်ကောင်းမွန်လာမည်ဖြစ်ကြောင်း တင်ပြလိုက်ရပါသည်။

DOCA(မွန်)