ယနေ့ကာလ၌ အွန်လိုင်းစနစ်ဖြင့် ရောင်းချသောလုပ်ငန်းများသည် စားသုံးသူပြည်သူများကို လိမ်လည်လှည့်ဖြားမှုများပြားလာပါသဖြင့် စီးပွားရေးနှင့်ကူးသန်းရောင်းဝယ်ရေးဝန်ကြီးဌာနက အွန်လိုင်းစနစ်ဖြင့် ရောင်းချခြင်းလုပ်ငန်းကို အရေးကြီးကုန်စည်နှင့် ဝန်ဆောင်မှုဥပဒေအရ အရေး ကြီးဝန်ဆောင်မှုလုပ်ငန်းအဖြစ် သတ်မှတ်ကြောင်း ၂၀၂၃ ခုနှစ်၊ ဇူလိုင်လ ၂၃ ရက်နေ့ ရက်စွဲပါ အမိန့်ကြော်ငြာစာအမှတ်(၅၀/၂၀၂၃) ဖြင့် ထုတ်ပြန်ခဲ့သည်။ ထို့ပြင် အွန်လိုင်းစနစ်ဖြင့် ရောင်းချခြင်းလုပ်ငန်းများ စနစ်တကျမှတ်ပုံတင်နိုင်ရန် အွန်လိုင်းစနစ်ဖြင့် ရောင်းချခြင်းလုပ်ငန်း မှတ်ပုံတင်ခြင်းဆိုင်ရာအမိန့်ကို အမိန့်ကြော်ငြာစာ (၅၁/၂၀၂၃)ဖြင့် ထုတ်ပြန်ခဲ့ပြီးဖြစ်သည်။
၂၀၂၃ ခုနှစ်၊ အောက်တိုဘာလ ၁ ရက်နေ့တွင် ကုန်သွယ်ရေးဦးစီးဌာနက အွန်လိုင်းစနစ်ဖြင့် ရောင်းချခြင်း(Online Sales)လုပ်ငန်းမှတ်ပုံတင်အား eComReg System (https://www.ecomreg .gov.mm) တွင် စတင်မှတ်ပုံတင်နိုင်ကြောင်း ကြေညာချက်ထုတ်ပြန်ခဲ့ပြီးနောက် မွန်ပြည်နယ်အတွင်းရှိ အွန်လိုင်းစနစ်ဖြင့် ရောင်းချသောလုပ်ငန်းရှင်များသည် စားသုံးသူရေးရာဦးစီးဌာန၊ မွန်ပြည်နယ်ဦးစီးမှူးရုံးသို့ လာရောက်စုံးစမ်းမေးမြန်းခဲ့ကြရာ မွန်ပြည်နယ်ဦးစီးမှူးရုံးမှ ဝန်ထမ်းများကလည်း အွန်လိုင်းလုပ်ငန်းရှင်များအား eComReg စနစ်တွင် မှတ်ပုံတင်လျှောက်ထားရာတွင် လိုအပ်သည့် အချက်အလက်များ၊ Online Sales မှတ်ပုံတင်ခြင်းလုပ်ငန်းစဉ်များနှင့် လျှောက်ထားမှုပြုလုပ်စဉ် Online Application Fees ပေးသွင်းရမည့်အခြေအနေများအား ရှင်းလင်းဆွေးနွေးမှုများကို ဆောင်ရွက်ပေးခဲ့ကြောင်း သိရှိရသည်။ ထိုကဲ့သို့ eComReg စနစ်တွင် Online Sales မှတ်ပုံတင်ခြင်းနှင့်စပ်လျဉ်း၍ အွန်လိုင်းလုပ်ငန်းရှင်များ၏ စုံစမ်းမေးမြန်းမှုများကို ကူညီဆောင်ရွက်ပေးလျက်ရှိရာ ၂၀၂၃ ခုနှစ်၊ အောက်တိုဘာလတွင် (၄) ဦး၊ နိုဝင်ဘာလတွင် (၁၀) ဦး၊ ဒီဇင်ဘာလတွင် (၁၅) ဦးတို့အား Online Sales မှတ်ပုံတင်ခြင်းကို ကူညီဆောင်ရွက်ပေးခဲ့ကြောင်း သိရှိရပါသည်။
DOCA(မွန်)