စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ စားသုံးသူရေးရာဦးစီးဌာန၊ ကန့်ဘလူမြို့နယ်တာဝန်ခံရုံးသည် ဈေးကွက်အတွင်းရောင်းချနေသည့် ကုန်စည်များတွင် ကုန်အညွှန်းအမှတ်အသားများကို မြန်မာဘာသာဖြင့်ပြည့်စုံစွာဖော်ပြထားခြင်းရှိ/မရှိ ဈေးကွက်စောင့်ကြည့်စစ်ဆေးခြင်းကို သက်ဆိုင်ရာဌာနများနှင့်ပူးပေါင်း၍ ဆောင်ရွက်လျက်ရှိကြောင်း သိရသည်။
၂၀၂၄ ခုနှစ်၊ ဇန်နဝါရီလ ၁၆ ရက်နေ့တွင် ကန့်ဘလူမြို့နယ်တာဝန်ခံဦးမျိုးဝင်းသန်းနှင့် ဝန်ထမ်းတစ်ဦးတို့သည် ကန့်ဘလူမြို့ပေါ်ရှိရပ်ကွက် ကုန်စုံဆိုင်များအား စားသုံးဆီအမျိုးမျိုးနှင့် စပ်လျဉ်း၍ ဈေးကွက်စောင့်ကြည့်စစ်ဆေးခြင်း ဆောင်ရွက်ခဲ့ရာ ဈေးကွက်အတွင်း၌ ခွက်ချင့် စားအုန်းဆီများနှင့် “ဂွတ်ဒီ”ဟင်းရွက်ဆီ အဆင့်မြင့်သန့်စင်ထားသော စားအုန်းဆီနှင့် LOTUS ကြာပန်းတံဆိပ် ဟင်းသီးဟင်းရွက်ဆီ(စားအုန်းဆီ)တို့ကို စိစစ်တွေ့ရှိရပြီး ကုန်အညွှန်းအမှတ်အသားများကို မြန်မာဘာသာဖြင့် ပြည့်စုံစွာဖော်ပြထားသည့်ကို စိစစ်တွေ့ရှိရကြောင်း၊ မိတ်ဖက်ဌာနများနှင့် ပူးပေါင်း၍ကွင်းဆင်းစစ်ဆေးရာတွင် သက်ဆိုင်ရာဌာနများ၏ ထောက်ခံချက်မရှိသောဆီများ ရောင်းချမှုမရှိစေရေး လုပ်ငန်းရှင်များအား အသိပေးကြပ်မတ်ဆောင်ရွက်လျက်ရှိကြောင်း သိရသည်။
DOCA(စစ်ကိုင်း)