ပြည်ခရိုင်၊ ပေါက်ခေါင်းမြို့နယ်၊ ငါးခူအိုင်အုပ်စု၊ ငါးခူအိုင်ကျေးရွာတွင် မုန့်ညှင်းစိုက်ပျိုးထားသဖြင့် ဈေးနှုန်းဈေးကွက်နှင့် အကျိုးအမြတ်များသိရှိစေရန်အလို့ငှာ ကွင်းဆင်းလေ့လာခဲ့ပါသည်။
ပေါက်ခေါင်းမြို့နယ်၊ ငါးခူအိုင်ကျေးရွာတွင် မုန့်ညှင်းစိုက်ပျိုးသူတောင်သူ ဦးတင်ဝေမှာ ၎င်းအနေဖြင့် မုန့်ညှင်းစိုက်ဧက(၀.၂၅)ဧကတွင် ပျိုးပင်ပေါင်း (၂၀၀၀)ခန့်စိုက်ပျိုးထားရှိကြောင်း၊ပျိုးပင်တစ်ပင်လျှင် (၁၅)ကျပ်ဖြင့်ဝယ်ယူစိုက်ပျိုးရကြောင်း၊ ပျိုးပင်ဖိုးကုန်ကျငွေမှာ ၃၀၀၀၀ကျပ်ကုန်ကျကြောင်းနှင့် သွင်းအားစုနှင့် စိုက်ပျိုးစရိတ်၊ ခူးဆွတ်စရိတ်ကုန်ကျငွေမှာ ၆၇၅၀၀ကျပ် ရှိကြောင်းသိရပါသည်။ မုန့်ညှင်း(၀.၂၅)ဧကအတွက် စုစုပေါင်းကုန်ကျစရိတ်မှာ ၉၇၅၀၀ကျပ်ကုန်ကျကြောင်း၊ မုန်ညှင်းပင်ထွက်ပေါ်ချိန်တွင် တစ်ပင်လျှင် ၂၀၀ကျပ်ဖြင့်ရောင်းချရသဖြင့် (၀.၂၅)ဧကအတွက် ဝင်ငွေရရှိမှုမှာ ၄၀၀၀၀၀ကျပ်ခန့်ရရှိကြောင်းသိရပါသည်။ ထွက်ရှိလာသောမုန်ညှင်းပင်များကို စိုက်ခင်းအထိလာရောက်ဝယ်ယူကြသာများရှိပြီး ဈေးကွက်ဖြစ်သော ပေါက်ခေါင်း၊ ပေါင်းတလည်နှင့် ပြည်မြို့ရှိ ဈေးကွက်များသို့လည်း သွားရောက်ရောင်းချကြောင်းသိရပါသည်။ မုန်ညှင်းစိုက်ပျိုးသူတောင်သူ၏ အကျိုးအမြတ်အနေဖြင့် ၃၀၂၅၀၀ကျပ် ခန့်ရရှိ၍ မိသားစုအပိုဝင်ငွေများရရှိကြောင်းသိရှိရပါသည်။
DOCA(ပဲခူး)