သရက်မြို့၊ မြို့မစည်ပင်သာယာဈေးအတွင်း၌ အသီးအရွက်နှင့် အသား၊ငါးများအား အောင်လံမြို့မှတဆင့် ဝယ်ယူရောင်းချကြောင်း၊ ဆန်နှင့်ဆီတို့အား ရန်ကုန်၊ ပြည်၊ ဥသျှစ်ပင်မြို့တို့မှ ဝင်ရောက်လျက်ရှိပြီး နေ့စဉ်ပုံမှန်အရောင်းအဝယ်ဖြစ်လျက်ရှိကြောင်း သိရသည်။
သရက်မြို့၊ မြို့မစည်ပင်သာယာဈေးအတွင်း၌ စက်တင်ဘာလ(၂၈)ရက်နေ့မှ အောက်တိုဘာလ (၄)ရက်နေ့အထိဖြစ်ပေါ်နေသော အခြေခံစားကုန်ဈေးနှုန်းများမှာ အာလူး(အကြီး၊အသေး) အရွယ် အစားအလိုက် (၁)ပိဿာလျှင် ကျပ်(၂၇၀၀မှ ၃၀၀၀)၊ ကြက်သွန်ဖြူ(အကြီး၊အသေး)(၁) ပိဿာလျှင် ကျပ်(၈၀၀၀မှ ၉၀၀၀)၊ ကြက်သွန်နီ (အသေး၊ အလတ်၊ အကြီး)(၁)ပိဿာလျှင် ကျပ်(၂၅၀၀၊ ၂၈၀၀၊ ၃၅၀၀)၊ ကုလားပဲခွဲခြမ်း(၁)ပိဿာလျှင် ကျပ်(၆၅၀၀မှ ၆၈၀၀)၊ ငရုတ်စို(အမှည့်)(၁)ပိဿာလျှင် ကျပ် (၂၅၀၀မှ၃၀၀၀)၊ ငရုတ်ခြောက်(၁)ပိဿာလျှင် ကျပ်(၁၈၀၀၀မှ ၂၀၀၀၀)၊ ခရမ်းချဉ်သီး (တိုင်ထောင်သီး) (၁)ပိဿာလျှင် ကျပ်(၁၀၀၀မှ ၁၂၀၀)၊ ကြက်သား(CP)(၁)ပိဿာလျှင် ကျပ်(၈၅၀၀မှ ၁၂၀၀၀)၊ ကြက်သား(ဗမာ)(၁)ပိဿာလျှင် ကျပ်(၁၆၀၀၀-၁၈၀၀၀)၊ ဝက်သား(၁)ပိဿာလျှင် ကျပ်(၁၃၀၀၀)၊ အမဲသား(၁)ပိဿာလျှင် ကျပ်(၁၃၀၀၀)၊ ဆိတ်သား(၁)ပိဿာလျှင် ကျပ်(၁၆၀၀၀)၊ ငါးကြင်း(၁) ပိဿာလျှင် အကောင်အကြီး၊ အသေးအလိုက် ကျပ်(၈၀၀၀မှ၁၂၀၀၀)၊ ဆန်(၁)ပြည်လျှင် ပေါ်ဆန်းမွှေး (ပုသိမ်) ကျပ်(၅၀၀၀ မှ ၆၀၀၀)၊ ဧရာပဒေသာ(ပုသိမ်) ကျပ်(၄၂၀၀မှ ၅၀၀၀)၊ မနောသုခ ကျပ် (၃၅၀၀)၊ မှော်ဘီဆန် ကျပ်(၃၆၀၀မှ၃၇၀၀)၊ ပဲဆီ(၁)ပိဿာလျှင် ကျပ်(၁၄၀၀၀မှ၁၆၀၀၀)၊ နှမ်းဆီ ကျပ်(၁၄၀၀၀မှ၁၆၀၀၀)ရှိခဲ့ကြောင်း၊ ခရမ်းချဉ်သီး၊ ကြက်သားနှင့် ငါးကြင်းဈေးနှုန်းတို့မှာ ယခုအပတ်အတွင်း ဈေးနှုန်းအနည်းငယ်ကျဆင်းပြီး ကျန်ကုန်ဈေးနှုန်းများမှာ တည်ငြိမ်လျက်ရှိကြောင်း သိရသည်။
DOCA(မကွေး)