ထုတ်လုပ်၊ဖြန့်ဖြူး၊ရောင်းချသည့် ကုန်စည်များပေါ်တွင် ကုန်အညွှန်း အမှတ်အသားများအား စားသုံးသူကာကွယ်ရေးဥပဒေနှင့်အညီ ပြည့်စုံစွာဖော်ပြပါရှိစေရေးရည်ရွယ်၍ ပဲခူးတိုင်းဒေသကြီး သာယာဝတီခရိုင်စားသုံးသူရေးရာဦးစီးဌာနမှ တာဝန်ရှိသူများသည် ၁၆.၉.၂၀၂၁ ရက်နေ့ နံနက် ၁၀:၀၀ နာရီအချိန်တွင် သာယာဝတီမြို့၊ အလယ်ကုန်း သိုလှောင်ရုံ၌ ဒေသထွက်ကုန်စည်များ ထုတ်လုပ် ဖြန့်ဖြူး ရောင်းချလျက်ရှိသော စီးပွားရေးလုပ်ငန်းရှင်(၅၀)ဦးအား စားသုံးသူကာကွယ်ရေးဥပဒေပါ ပြဌာန်းချက်များ အား ရှင်းလင်း ဆွေးနွေး ခဲ့ပါသည်။
အဆိုပါဆွေးနွေးပွဲတွင် စားသုံးသူရေးရာဦးစီးဌာန၊ သာယာဝတီခရိုင်ဦးစီးမှူး ဦးအောင်သိန်း က အဖွင့်အမှာစကားပြောကြားခဲ့ပြီး၊ သာယာဝတီခရိုင်ဦးစီးမှူးရုံးမှ ဒေါ်ခိုင်ခိုင်ရီ (ဒုတိယဦးစီးမှူး) က စားသုံးသူကာကွယ်ရေးဥပဒေပါ စားသုံးသူများ၏အခွင့်အရေးနှင့်တာဝန်များ၊ စီးပွားရေးလုပ်ငန်းရှင်များ၏ တာဝန်များ၊ တားမြစ်ချက်များ၊ ကုန်စည်နှင့် ဝန်ဆောင်မှုများအပေါ် အာမခံချက်ပေးရမည့် အချက်များ၊ စားသုံးသူကာကွယ်ရေးဥပဒေ အခန်း(၁၈)ပါ ကုန်စည်များပေါ်တွင် ကုန်အညွှန်းအမှတ်အသားများ ဖော်ပြခြင်းနှင့် စပ်လျဉ်း၍ ကုန်စည်အမျိုးအစားအလိုက် သတ်မှတ်ချက်များနှင့် အညီ ဖော်ပြပါရှိစေရေး စသည့် အကြောင်းအရာများကိုအကျယ်တဝင့် ရှင်းလင်းဆွေးနွေးပြီး၊ တက်ရောက်လာသူများက ၎င်းတို့ သိရှိလိုသည်များကို ပြန်လည်မေးမြန်းဆွေးနွေးခဲ့ကြပြီး စီးပွားရေးလုပ်ငန်းရှင်များအား စားသုံးသူ ကာကွယ်ရေးဆိုင်ရာ အသိပညာပေး လက်ကမ်းစာစောင်များ နှင့် ကုန်စည်များပေါ်တွင် ကုန်အညွှန်း အမှတ်အသားများဖော်ပြခြင်းနှင့်စပ်လျဉ်း၍ ကုန်စည်အမျိုးအစားအလိုက်သတ်မှတ်ချက်များ ပါဝင်သည့် လက်ကမ်းစာစောင်များကို ဖြန့်ဝေပေးခဲ့ပါကြောင်း သတင်းရရှိပါသည်။
ပဲခူးတိုင်းဒေသကြီး(DOCA)