လွိုင်ကော်မြို့ပေါ်ရှိဆေးဆိုင်များ၌COVID-19ကာလအတွင်း COVID-19 ကာကွယ်၊ ထိန်းချုပ်၊ ကုသရေးဆိုင်ရာ ကျန်းမာရေးအထောက်အကူပြုပစ္စည်းများဖြစ်သည့် Mask & Hand Gel များ၊ ဆေးဝါးများအား ဈေးနှုန်းမြှင့်တင်ရောင်းချခြင်းမရှိစေရေး၊ စားသုံးသူရေးရာဦးစီးဌာနမှ မြို့နယ်ကုန်ဈေးနှုန်း ထိန်းချုပ်ရေးအဖွဲ့ဝင်ဖြစ်သည့် မြို့နယ်စည်ပင်သာယာရေးအဖွဲ့နှင့် ပူးပေါင်း၍ ကွင်းဆင်းစိစစ်ခြင်းကို ဇူလှိုင် လ ၅ ရက်နေ့ နေ့လည် (၁၃း၀၀) အချိန်တွင် ဆောင်ရွက်ခဲ့ပါသည်။
ကွင်းဆင်းစစ်ဆေးရာတွင် COVID-19 ကာကွယ်၊ ထိန်းချုပ်၊ ကုသရေးဆိုင်ရာ ကျန်းမာရေး အထောက်အကူပြုပစ္စည်းများဖြစ်သည့် Mask ဈေးနှုန်းမှာ ယခင်ဈေး (၁၀၀၀)ကျပ်နှင့် ရောင်းချရာမှ ယခု COVID-19 တတိယလှိုင်းတွင် Mask ဈေးနှုန်းမှာ (၂၅၀၀)ကျပ်၊ (၂၈၀၀)ကျပ် အထိမြှင့်တက်လာသည်ကိုတွေ့ရပြီး ထိုသို့ဈေးနှုန်း မြှင့်တက်ရခြင်းမှာ ဝယ်ရင်းဈေးမြှင့်တက်ခြင်းကြောင့်ဖြစ်သည်ဟုသိရှိရပြီး Hand Gel နှင့် ဆေးဝါးများကိုလည်း ဝယ်ရင်းဈေးနှင့် အနည်းငယ်ကွာပြီးသာ ရောင်းချလျက်ရှိကြောင်းတွေ့ရှိရပြီး စီးပွားရေးနှင့်ကူးသန်းရောင်းဝယ်ရေးဝန်ကြီးဌာနမှ ထုတ်ပြန်ထားသော ကုန်စည်များအပေါ် တားမြစ်မိန့်ထုတ်ပြန်ခြင်း အမိန့်ကြော်ငြာစာ အမှတ် (၂၁/ ၂၀၂၀) အားလုပ်ငန်းရှင်များ လိုက်နာဆောင်ရွက်ကြရန် အသိပေးဆောင်ရွက်ခဲ့ပါသည်။