စားသုံးသူရေးရာဉီးစီးဌာန၊ပဲခူးတိုင်းဒေသကြီး၊ပြည်ခရိုင်ဉီးစီးမှူးရုံးအနေဖြင့် စားသုံးဆီများတွင်ပြန်လည်သန့်စင်ထားသည့်ဆီများရောနှောပါဝင်မှုမရှိစေရေးဈေးကွက်နမူနာများကောက်ယူ၍ဓါတ်ခွဲစမ်းသပ်မှုများပြုလုပ်ကာ ပြန်လည်သန့်စင်ထားသည့်ဆီများ ရောနှော ပါဝင်မှုများတွေ့ရှိပါက ဉပဒေနှင့်အညီအရေးယူဆောင်ရွက်နိုင်ရေးလုပ်ဆောင်မည်ဖြစ်၍ လုပ်ငန်းရှင်များအနေဖြင့် ထုတ်ကုန်များလုံခြုံစိတ်ချရမှုရှိစေရေးအတွက် စားသုံးသူကာကွယ်ရေးဉပဒေ (၂၀၁၉)ပါ ပြဌာန်းချက်များအရ စီးပွားရေးလုပ်ငန်းရှင်များ လိုက်နာ ဆောင်ရွက်ရမည့်အချက်များ၊ ပြစ်မှုပြစ်ဒဏ်များအား ကြိုတင်သိရှိလိုက်နာနိုင်စေရေး အသိပညာပေးဆွေးနွေးပွဲကို Covid – 19 စည်းကမ်းချက်များနှင့်အညီ ဇွန်လ (၂၃)ရက်နေ့၊ နံနက်ပိုင်းတွင် ပြည်ခရိုင်ဉီးစီးမှူးရုံး အစည်းအဝေးခန်းမ၌ ကျင်းပပြုလုပ်ခဲ့ရာ တွေ့ဆုံ ဆွေးနွေးပွဲတွင် ပြည်ခရိုင်ဉီးစီးမှူးဦးမင်းဆွေမှ အသိပညာပေးဆွေးနွေးခြင်းများဆောင်ရွက်ခဲ့ပြီး လုပ်ငန်းရှင်များမှလည်းစိတ်ပါဝင်စားစွာဖြင့် ပြန်လည်ဆွေးနွေး ခြင်းများဆောင်ရွက်ခဲ့ကြကြောင်းနှင့် ဆွေးနွေးပွဲသို့လုပ်ငန်းရှင် (၃၀)ဉီးတက်ရောက်ခဲ့ကြောင်းသိရှိရပါသည်။