စားသုံးသူရေးရာဦးစီးဌာန၊ အရှေ့ပိုင်းခရိုင်ဦးစီးမှူးရုံးမှ ဝန်ထမ်းများသည် (၃၀-၅-၂၀၂၃) ရက်နေ့၊ နံနက် (၁ဝ:၃၀) နာရီအချိန်တွင် တောင်ဒဂုံမြို့နယ်၊ ဗဟိုရ်စည်ဈေး၌ ဈေးသူ/ဈေးသားများကို စားသုံးသူကာကွယ်ရေးအသိပညာပေးဟောပြောပွဲဆောင်ရွက်ခဲ့ပါသည်။
အဆိုပါဟောပြောပွဲတွင် စားသုံးသူရေးရာဦးစီးဌာန၊ အရှေ့ပိုင်းခရိုင်ဦးစီးမှူးရုံးမှ ဒေါ်မိုးမိုးကြည် (ဌာနခွဲစာရေး) က စားသုံးသူကာကွယ်ရေးဥပဒေ ၂၀၁၉တွင် အခန်း၂၅ခန်းနှင့် ပုဒ်မ၈၄ခုရှိပါကြောင်း၊ အခန်း(၂)ပါ ဥပဒေ၏ရည်ရွယ်ချက်များအကြောင်း၊ အခန်း(၅)ပါ ဦးစီးဌာန၏လုပ်ပိုင်ခွင့်နှင့်လုပ်ငန်းတာဝန်များအကြောင်း၊ အခန်း(၉)ရှိ စားသုံးသူ၏အခွင့်အရေးနှင့်တာဝန်များအကြောင်း၊ အခန်း(၁၀)ပါ စီးပွားရေးလုပ်ငန်းရှင်၏တာဝန်များအကြောင်းကို ရှင်းလင်းပြောကြားခဲ့ပြီးနောက် ဈေးအတွင်းရှိ ဈေးရောင်းချသူများဘက်မှကြည့်လျှင် စီးပွားရေးလုပ်ငန်းရှင်ဟု ယူဆ၍ရသောကြောင့် မိမိဆိုင်တင်ရောင်းချသောကုန်စည်နှင့်ပတ်သက်၍ အရည်အသွေး၊ အချိန်အတွယ်ပမာဏနှင့် အလေးချိန်မှန်ကန်မှုရှိစေခြင်း၊ ဘေးအန္တရာယ်ကင်းရှင်းသောကုန်စည်များကိုသာ ဆိုင်တင်ရောင်းချစေခြင်း၊ ဟင်းသီးဟင်းရွက်ဆီများကိုရောင်းချရာတွင် ကုန်စည်၏အမျိုးအမည်ကိုဖော်ပြရာ၌ (ဟင်းသီးဟင်းရွက်ဆီ) စားအုန်းဆီ/အဆင့်မြင့်စားအုန်းဆီဟု ရေးထားသောဆီဘူးများကိုသာ ဝယ်ယူရောင်းချစေလိုကြောင်းနှင့် ဥပဒေပါ ပြစ်မှု/ပြစ်ဒဏ်များအကြောင်းတို့ကိုပါ အကျယ်တဝင့်ရှင်းလင်းဟောပြောပေးခဲ့ကာ ဟောပြောပွဲကို နေ့လယ် (၁၁:၃၀) နာရီအချိန်တွင် ရုပ်သိမ်းခဲ့ပြီး ဟောပြောပွဲတက်ရောက်သူ (၂၀) ဦးခန့်ရှိကြောင်း သိရှိရပါသည်။
DOCA(ရန်ကုန်)