ဧရာဝတီတိုင်းဒေသကြီး၊ စားသုံးသူရေးရာဦးစီးဌာန၊ မအူပင်ခရိုင်၊ ဓနုဖြူမြို့နယ်မြို့နယ်ရှိ မြို့နယ်ဦးစီးမှူး ဦးဝင်းမင်းစိုးနှင့် ဝန်ထမ်းများသည်(၂၅.၅.၂၀၂၃) ရက်နေ့ နံနက် (၀၉:၄၅) နာရီမှ (၁၁:၀၀) နာရီအချိန်ထိ ဓနုဖြူမြို့နယ် ထီကွေ့ ကျေးရွာအုပ်ချုပ်ရေးမှူးနေအိမ်တွင် ပြည်သူ(၁၅)ဦးအား စားသုံးသူ ကာကွယ်ရေးရာအသိပညာပေးဟောပြောခြင်းကို တိုင်းရင်းဆေးပညာဦးစီးဌာန၊ပြန်ကြားရေးနှင့် ပြည်သူ့ ဆက်ဆံရေးဦးစီးဌာနတို့နှင့်အတူ ဆောင်ရွက်ခဲ့ပါသည်။
အဆိုပါဟောပြောပွဲတွင် စားသုံးသူရေးရာဦးစီးဌာနမှ ဦးဝင်းမင်းစိုးက စားသုံးသူကာကွယ် ရေးဥပဒေပါ စားသုံးသူကာကွယ်ရေးလုပ်ငန်းစဉ်၊ စားသုံးသူဖြစ်စဉ်၊ စီးပွားရေးလုပ် ငန်းစဉ်ဖြစ်စဉ်၊ ကုန်စည်/ ဝန်ဆောင်မှု၏ ဆိုလိုရင်း အဓိပ္ပယ်၊ ကုန်သွယ်မှု၊ လိမ်လည်လှည့်ဖြားခြင်း၊ ထင်ယောင်ထင်မှားဖြစ်ခြင်း၊ ကြော်ငြာခြင်း၊ အရောင်းမြှင့်တင်ခြင်း၊ နစ်နာဆုံးရှုံမှု၊ ကုန်အညွှန်းအမှတ်အသား၊ ဘေးအန္တရာယ် ရှိသော ကုန်စည်၊ စသည့်ဖြင့် စားသုံးသူကာကွယ်ရေးဥပဒေ အခန်း(၁)၏ အမည်နှင့် အဓိပ္ပယ်ဖွင့်ဆိုချက်များကို သိရှိနားလည်စေရန် ရှင်းလင်းဆွေးနွေးပြီး၊ ကုန်စည်တစ်ခုတွင် ကုန်အညွှန်းအမှတ်အသား ကုန်အမှတ် တံဆိပ်ပါဝင်သော၊ ထုတ်လုပ် ရက်စွဲ၊ သက်တမ်းကုန်ဆုံးရက်စွဲ၊ ထုတ်လုပ်သူ ၏လိပ်စာ၊ လုပ်ငန်းအမည်နှင့် လိပ်စာ၊ ကုန်ကြမ်းပါဝင်မှု အမျိုးအမည်၊ ပမဏ၊ ပါဝင်မှုအချိုးအစား စသည့်အချက်များကိုဝယ်ယူသုံးစွဲရန်၊ စားသုံးသူတို့၏ အခွင့်အရေးနှင့်တာဝန်များ၊ စားသုံးသူတို့သည် ကုန်စည်တစ်ခုကြောင့် နစ်နာဆုံးရှုံးမှုရှိလာပါက စားသုံးသူရေးရာဦးစီးဌာနသို့ တိုင်ကြားနိုင်သည့်နည်းလမ်းများအကြောင်းကိုလည်းကောင်း၊ စားသုံးသူရေးရာဦးစီးဌာန၏ လုပ်ဆောင်ချက်များကို doca.gov.mm website တွင်ဝင်ရောက်လေ့လာနိုင်ကြောင်းနှင့် Consumer Call Center 1535 သို့ ဆက်သွယ်မေးမြန်းနိုင်ကြောင်းကိုလည်းကောင်း ဟောပြောရှင်းလင်းခဲ့ပြီး ပြည်သူများမှလည်း သိရှိလိုသည်များကို ပြန်လည်မေးမြန်းခဲ့ကြောင်း သတင်းရရှိပါသည်။
DOCA(ဧရာဝတီ)