(၂၆-၅-၂၀၂၃) ရက်နေ့၊ နံနက်(၀၉း၀၀)နာရီအချိန် ကရင်ပြည်နယ်၊ဘားအံမြို့ရှိ တရုတ်လှကျေးရွာတွင် ကရင်ပြည်နယ်စားသုံးသူရေးရာဦးစီးဌာန၊ ပြည်နယ်ဦးစီးမှူးရုံးမှ ဝန်ထမ်းများနှင့် မြန်မာနိုင်ငံဆီကုန်သည်များ၊ ဆီလုပ်ငန်းရှင်များအသင်း၊ ကရင်ပြည်နယ်စားသုံးဆီကုန်သည်ကြီးများနှင့် စားသုံးဆီလုပ်ငန်းရှင်များအသင်းမှ ပူးပေါင်း၍ ဈေးကွက်အတွင်း လက်လီ/ လက်ကား ဖြန့်ဖြူးရောင်းချခြင်းကို ကြပ်မတ်ဆောင်ရွက်ခဲ့ကြောင်း သိရှိရသည်။
ထိုသို့ဆောင်ရွက်ရာတွင် စားသုံးဆီတင်သွင်းသည့် ကရင်ပြည်နယ်၊ ဆီကုန်သည်နှင့် ဆီ လုပ်ငန်းရှင်များအသင်းမှ စားသုံးဆီတစ်ပိဿာကို (၄၇၀၀)ကျပ်၊ ဆီဘူးခွံခ(၅၀၀)ကျပ်နှင့် သယ်ယူပို့ဆောင်ခပါ ကုန်ကျစရိတ်အားလုံးစုပေါင်း၍ ထိုကုန်ကျစရိတ်တွင် အမြတ် ၂ ရာခိုင်နှုန်း တွက်ချက်၍ ဆီတစ်ပိဿာတစ်ဘူးကို (၅၂၀၀)ကျပ်ဖြင့် လူတစ်ဦးလျှင် ၁ ပိဿာနှုန်း ရောင်းချပေးကြောင်းသိရသည်။
အဆိုပါ စားအုန်းဆီများ ရောင်းချရာတွင် ဈေးနှုန်းမှန်ကန်စေရေး၊ အလေးချိန်မှန်ကန်စွာဖြင့် ပြည်သူများဆီသို့ ဖြန့်ဖြူးရောင်းချရန်၊ ဈေးကွက်အတွင်း သက်သာမှန်ကန်သော ဈေးနှုန်းများဖြင့် ရောင်းချရန်၊ ဈေးနှုန်းများ အဆမတန် မြှင့်တင်ရောင်းချခြင်းမရှိစေရေးနှင့် စားသုံးသူပြည်သူများ လက်ဝယ်သို့ အမှန်တကယ် တိုက်ရိုက်ရောက်ရှိစေရေး၊ ကွင်းဆင်း ကြပ်မတ်ဆောင်ရွက်ခဲ့ကြောင်း သိရသည်။
DOCA(ကရင်)