ပြည်တွင်းကုန်သွယ်မှုသတင်းများ
တောင်ငူမြို့ ပတ်ဝန်းကျင်ရှိ ဒေသခံများသည် မိမိတို့ အိမ်ခြံဝန်းများတွင် အရိပ်ရ၍ အပိုဝင်ငွေရသော နှစ်ရှည်ပင်သီးနှံများ စိုက်ပျိုးကြသည်။ ရှောက်ပင်သည် နှစ်ရှည်သီးနှံ အပင်မျိုးဖြစ်ပြီး လူတို့အတွက် ဆေးဖက်ဝင်၍ အပိုဝင်ငွေရရှိသော အသီးတစ်မျိုး ဖြစ်သည်။
တောင်ငူမြို့ ညောင်ပင်လေးဈေးတွင် ဒေသထွက်နှင့် အခြားအရပ်ဒေသများမှ ရာသီပေါ် ဟင်းသီးဟင်းရွက် သစ်သီးဝလံများ လာရောက်ရောင်းချလျက်ရှိရာ ယခုအခါ အထက်ဒေသဖြစ်သော မကွေးတိုင်းဒေသကြီး တောင်တွင်းကြီးမြို့မှ နဂါးမောက်သီးများ ရောင်းချလျက် ရှိပါသည်။
တောင်ငူမြို့ ဈေးများတွင် ရာသီစာ ဟင်းသီးဟင်းရွက်များနှင့် အသီးအနှံများ ရောင်းချလျက်ရှိရာ ယခုအခါ တောင်ငူမြို့အနီးတစ်ဝိုက်မှ လာရောက်ရောင်းချသော အင်ဥများ ရောင်းချလျက်ရှိသည်။ အင်ဥသည် အင်ပင်များ၏ အောက်တွင် အင်ပင်အမြစ်များနှင့် ဆက်စပ်နေသော မှိုတစ်မျိုး ဖြစ်ပါသည်။
စစ်ကိုင်းတိုင်းဒေသကြီး၊ ကန့်ဘလူခရိုင်၊ ကန့်ဘလူမြို့နယ်၌ ရာသီပေါ်သီးနှံများကို မိသားစု တစ်ပိုင်တစ်နိုင်စိုက်ပျိုးလျက်ရှိရာ စားသုံးသူရေးရာဦးစီးဌာနမှ မြို့နယ်တာဝန်ခံဦးမျိုးဝင်းသန်းနှင့် ဝန်ထမ်း(၁)ဦးတို့သည် ကန့်ဘလူမြို့နယ်၊ အမှတ်(၅)ရပ်ကွက်ရှိ ဦးသိန်းနိုင်၏ ငရုတ်စိုက်ခင်းသို့ ကွင်းဆင်းလေ့လာခဲ့ကြောင်း သိရသည်။
စားသုံးသူရေးရာဦးစီးဌာန၊ စစ်ကိုင်းတိုင်းဒေသကြီး၊ ကန့်ဘလူမြို့နယ်အနေဖြင့် ဒေသတွင်း စိုက်ပျိုးထွက်ရှိသည့် သီးနှံဈေးနှုန်းများ၊ ရာသီပေါ်အစားအစာများ၏ ဈေးနှုန်း၊ဈေးကွက်အခြေအနေ တို့အား ရေးသားတင်ပြလျက်ရှိရာ ရာသီပေါ်ကြံသကာများလည်း ရောင်းချနေကြောင်း သိရသည်။
