ကုန်သွယ်မှုသတင်းများ
စစ်ကိုင်းတိုင်းဒေသကြီး၊ တမူးခရိုင်၊ ခမ်းပတ်မြို့နှင့် စော်ဘွားရေရှင်ကျေးရွာများမှ ထွက်ရှိသည့် ရာသီစာ နာနတ်သီးများသည် နှစ်စဉ်ဈေးကောင်းရရှိကာ နာနတ်သီးစိုက်ခင်းပိုင်ရှင်များအနေဖြင့် မိသားစုဝင်ငွေ ရရှိသော အသီးအနှံတစ်မျိုးဖြစ်ပါသည်။
ကလေးဝမြို့နယ်၊ အောက်တောကြီးကျေးရွာတွင် ဝါးခမောက်များ လုပ်ငန်း လုပ်ကိုင်ဆောင်ရွက်လျက်ရှိသည့် ဒေါ်မိုးကြည်ထံသို့ အနေဖြင့် ဝါးခမောက်များ ယက်လုပ်ရာတွင် အဓိက ကုန်ကြမ်းဖြစ်သည့် ဝါးများကို ဝါးပေါ်ချိန် ဒီဇင်ဘာလမှ ဇန်နဝါရီလအတွင်း ဝါးလုံး အခြောက်လှမ်းစုဆောင်းထားခြင်း၊ နှီးဖျာခြင်း စသည်ဖြင့် ကုန်ကြမ်းများ စုဆောင်းရပါသည်။
ကန့်ဘလူမြို့နယ်တွင် တစ်နိုင်တစ်ပိုင် ကောက်ရိုးမှိုစိုက်ပျိုးသူ ဦးဝင်းဦး၏ပြောပြချက်အရ ကောက်ရိုးမှိုစိုက်ပျိုးချိန်သည် အလွန်အရေးကြီးကြောင်း၊ ကောက်ရိုးမှိုစိုက်ပျိုးရာတွင် လိုအပ်သော အခြေခံကုန်ကြမ်းများဖြစ်သည့် သန့်ရှင်းခြောက်သွေ့သော ကောက်ရိုး(သို့မဟုတ်) ရိုးပြတ်များ၊ ဂျပ်စက္ကူများ၊ နွားချေးမြေဆွေး စသည်တို့နှင့် စိုက်ပျိုးကြကြောင်း၊ စိုက်ပျိုးစရိတ်အနေဖြင့် အလျား (၉)ပေနှင့် အနံ(၃)ပေကို(၅၀၀၀၀)ကျပ်ခန့် ကုန်ကျစရိတ်ရှိကြောင်း သိရှိရသည်။
စစ်ကိုင်းတိုင်းဒေသကြီး၊ ကန့်ဘလူခရိုင်၊ ကန့်ဘလူမြို့မဈေးတွင် ရောင်းချနေသော ကုန်စိမ်း (ခေါ်) ဟင်းသီးဟင်းရွက်ဈေးတန်း၌ မုန်လာထုပ်နှင့် ပန်းမုံလာပွင့်များလည်း ရောင်းချလျက်ရှိပြီး မုန်လာထုပ်နှင့် ပန်းမုံလာပွင့်များကို အိမ်ရှင်မများက အိမ်သုံးအတွက်ဝယ်ယူကြသလို စားသောက် ဆိုင်များမှ အဓိကဝယ်ယူကြောင်း သိရှိရသည်။
စစ်ကိုင်းတိုင်းဒေသကြီး၊ ကန့်ဘလူခရိုင်၊ ကန့်ဘလူမြို့နယ်သည် စိုက်ပျိုးရေးလုပ်ငန်းများ ဖြစ်သည့် စပါး၊ပဲမျိုးစုံနှင့် ဆီထွက်သီးနှံတို့ကို အဓိကစိုက်ပျိုးသည့်အပြင် ရာသီစာသီးနှံများနှင့် စားဖိုဆောင်သီးနှံများကိုလည်း စိုက်ပျိုးကြသည်။
