သတင်းနှင့် လှုပ်ရှားမှုများ
စားသုံးသူရေးရာဦးစီးဌာန၊ ပြည်ခရိုင်ဦးစီးမှူးရုံးအနေဖြင့် ဈေးကွက်အတွင်း ရောင်းချနေသော အလှကုန်ပစ္စည်းများတွင် ကုန်အညွှန်းအမှတ်အသားများပြည့်စုံစွာ ဖော်ပြမှုရှိစေရေး ရည်ရွယ်၍ ပြည်မြို့ပေါ်ရှိ အလှကုန်ဆိုင်ကြီးများဖြစ်သော AEC ၊ YADANA ၊ သန္တာဆန်း၊ ရေချမ်း စသောဆိုင်ကြီးများသို့ (၂၁.၄.၂၀၂၃)ရက်နေ့တွင် စည်ပင်သာယာရေးအဖွဲ့၊ ခရိုင် FDA တို့နှင့် ပူးပေါင်း၍ ဈေးကွက်စောင့်ကြည့်စစ်ဆေးခြင်းများကို ဆောင်ရွက်ခဲ့ပါသည်။
ပဲခူးတိုင်းဒေသကြီး၊ ပြည်ခရိုင်၊ ရွှေတောင်မြို့နယ်တွင် နွေနှမ်းများစိုက်ပျိုးလျက်ရှိရာ စားသုံးသူရေးရာဦးစီးဌာန၊ မြို့နယ်တာဝန်ခံ၊ ဦးအောင်နိုင်ဦးနှင့် ဝန်ထမ်းများသည် (၂၄.၄.၂၀၂၃) ရက်နေ့၊ နံနက် (၁၀:၀၀) နာရီအချိန်တွင် ပြည်တွင်းလုပ်ငန်းများ ဖွံ့ဖြိုးတိုးတက်စေရန်အတွက် ကွင်းဆင်းဆောင်ရွက်ခဲ့ပါသည်။
စားသုံးသူရေးရာဦးစီးဌာန၊ ဧရာဝတီတိုင်းဒေသကြီး၊ မအူပင်ခရိုင်၊ မအူပင်မြို့နယ် ဦးစီးမှူးဦးစီးမှူးရုံးသည် (၂၀.၄.၂၀၂၃)ရက်နေ့၊ နံနက်(၁၀း၀၀)နာရီက မအူပင်မြို့နယ်၊ သိုက်ကုန်းလမ်းရှိ ထွန်းသူဇာ လက်ကားပဲမျိုးစုံရောင်းဝယ်ရေးလုပ်ငန်းသို့ သွားရောက်၍ ထုတ်ကုန်လုံခြုံစိတ်ချရမှုရှိစေရန် ကွင်းဆင်းစစ်ဆေးခဲ့ကြပါသည်။
စားသုံးသူရေးရာဦးစီးဌာန၊ သာယာဝတီခရိုင်၊ လက်ပံတန်းမြို့၊ အမှတ်(၂)လမ်း၊ ရွှေလယ်ယာဓာတ်မြေသြဇာနှင့် ပိုးသတ်ဆေးအရောင်းဆိုင်သို့ ခရိုင်ဦးစီးမှူး၏လမ်းညွှန်မှုဖြင့် (၂၀.၄.၂၀၂၃) ရက်နေ့တွင် မြို့နယ်တာဝန်ခံ ဦးချစ်ကိုကိုနှင့် ဝန်ထမ်းများသည် ဓာတ်မြေသြဇာနှင့် ပိုးသတ်ဆေး အရောင်းဆိုင်လုပ်ငန်းရှင်နှင့် တွေ့ဆုံ၍ ဈေးနှုန်းဈေးကွက်အခြေအနေများအား မေးမြန်းခဲ့ကြောင်း သိရှိရသည်။
စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ စားသုံးသူရေးရာဦးစီးဌာန၊ သာယာဝတီခရိုင်ဦးစီးမှုးရုံး၊ လက်ပံတန်းမြို့တွင် (၁၉.၄.၂၀၂၃) ရက်နေ့၊ နံနက် (၁၁:၀၀)နာရီအချိန်တွင် ခရိုင်ဦးစီးမှူး၏ လမ်းညွှန်မှုဖြင့် မုန့်မျိုးစုံလက်လီလက်ကားရောင်းဝယ်ရေးလုပ်ငန်းရှင် ဦးနေမျိုးအောင်နှင့် တွေ့ဆုံ၍ စားသုံးသူကာကွယ်ရေးဥပဒေ၊ အခန်း(၁၈)ပါ ကုန်စည်များအပေါ်တွင် ကုန်ညွှန်းအမှတ်အသားဖော်ပြခြင်းနှင့် စပ်လျဉ်း၍ ကုန်စည်အမျိုးအစားအလိုက် သတ်မှတ်ချက်များနှင့်အညီ ထုတ်လုပ်ဖြန့်ဖြူးရောင်းချရန်၊ ထားသိုသိ
