သတင်းနှင့် လှုပ်ရှားမှုများ
ကချင်ပြည်နယ်၊ စားသုံးသူရေးရာဦးစီးဌာန ၊ ဗန်းမော်ခရိုင်ဦးစီးမှူးရုံးမှ ခရိုင်ဦးစီးမှူး ဦးအောင်ကျော်ဦးသည် ၅.၃.၂၀၂၄ ရက်နေ့တွင် ဗန်းမော်မြို့ အကောက်ခွန်ဦးစီးဌာနရုံး၌ ဌာနဆိုင်ရာများနှင့် ပို့ကုန် / သွင်းကုန် စီးပွားရေးလုပ်ငန်းရှင်(၂၅)ဦးအား စားသုံးသူကာကွယ်ရေး အသိပညာပေးဟောပြော ဆောင်ရွက်ခဲ့ပါသည်။
နိုင်ငံ့စီးပွားရန်ပုံငွေဖြင့် အရင်းမပျောက်မတည်ငွေ (၈) ဘီလီယံအား ပဲခူးတိုင်းဒေသကြီး အစိုးရအဖွဲ့၏ ကြီးကြပ်မှုဖြင့် ၂၀၂၃ခုနှစ်မှ စတင်အကောင်အထည်ဖော်ဆောင်ရွက်ခဲ့ရာ စိုက်ပျိုးရေးကဏ္ဍတွင် (၅.၅) ဘီလီယံ၊ မွေးမြူရေးကဏ္ဍတွင် ကျပ်(၁) ဘီလီယံ၊ အသေးစား၊ အငယ်စား၊ အလတ်စား၊ အကြီးစား (MSMES) ကဏ္ဍတွင် ကျပ်(၁.၅) ဘီလီယံ၊ သက်ဆိုင်ရာနိုင်ငံ့စီးပွားမြှင့်တင်ရေးလုပ်ငန်းအဖွဲ့များက ထုတ်ချေးခဲ့ခြင်းကို အောင်မြင်စွာဆောင်ရွက်နိုင်ခဲ့ပြီးဖြစ်ပါသည်။
မန္တလေးတိုင်းဒေသကြီး စားသုံးသူရေးရာဦးစီးဌာန၊ တိုင်းဒေသကြီးဦးစီးမှူးရုံးသို့ စားသုံးသူများအနေဖြင့် ၎င်းတို့၏ထိခိုက်နစ်နာဆုံးရှုံးမှုများအား လူကိုယ်တိုင်သော်လည်းကောင်း၊ Website မှသော်လည်းကောင်း၊ CICC မှသော်လည်းကောင်း၊ ဖုန်းဖြင့်သော်လည်းကောင်း ဆက်သွယ်တိုင်ကြားလာခဲ့ရာ ၂၀၂၃-၂၀၂၄ ဘဏ္ဍာနှစ်၊ ဖေဖော်ဝါရီလအထိ တိုင်ကြားမှုပေါင်း (၄၉) မှုရှိခဲ့ရာ ဖြေရှင်းဆောင်ရွက်ပြီးစီးမှု (၄၂) မှုရှိပြီး ဖြေရှင်းရန်ကျန် (၇) မှုအား ဆက်လက်ဖြေရှင်းဆောင်ရွက်လျက်ရှိကြောင်း သိရှိရပါသည်။
၂၀၂၄ ခုနှစ်၊ မတ်လ (၁၅) ရက်နေ့တွင်ကျရောက်သည့် ကမ္ဘာ့စားသုံးသူအခွင့်အရေးများနေ့အထိမ်း အမှတ်အခမ်းအနားအား မန္တလေးတိုင်းဒေသကြီးဦးစီးမှူးရုံးနှင့် ခရိုင်ရုံးများမှ စည်ကားသိုက်မြိုက်စွာ ကျင်းပပြုလုပ်ဆောင်ရွက်သွားမည်ဟု သိရပါသည်။
တနင်္သာရီတိုင်းဒေသကြီး၊ စားသုံးသူရေးရာကော်မတီ အစည်းအဝေး( ၄/၂၀၂၃ )ကို (၅.၃.၂၀၂၄)ရက်နေ့၊နံနက် (၁၀:၀၀)နာရီအချိန်တွင် တိုင်းဒေသကြီးအစိုးရအဖွဲ့ရုံး ၊ စီးပွားရေးရာဝန်ကြီးရုံးခန်း၌ ကျင်းပပြုလုပ်ခဲ့သည်။