သတင်းနှင့် လှုပ်ရှားမှုများ
(၃၀-၉-၂၀၂၄)ရက်နေ့၊ နေ့လယ် (၁၂:၀၀) နာရီအချိန်တွင် ရန်ကင်းမြို့နယ်၊ ရန်ကင်းဈေး၏ ဈေးစည်ပင်သာယာရေးရုံးခန်းမတွင် ဈေးသူ/ဈေးသားများအားခေါ်ယူ၍ အွန်လိုင်းမှတစ်ဆင့် ဈေးဝယ်ခြင်းနှင့်စပ်လျဉ်းပြီး အသိပညာပေးဟောပြောခြင်းလုပ်ငန်းများပြုလုပ်ခဲ့ကြောင်းသိရှိရပါသည်။
မြန်မာနိုင်ငံဆန်စပါးအသင်းချုပ် (MRF) မှ သင့်တင့်မျှတသော စျေးနှုန်းဖြင့် ဆန်စျေးနှုန်းများ တည်ငြိမ်မှန်ကန်မှုရှိစေရေး၊ ဆန်အမျိုးအစားအလိုက် သတ်မှတ်ရည်ညွှန်း စျေးနှုန်းများအား လစဉ်ထုတ် ပြန်ပေးလျက်ရှိပြီး မကွေးတိုင်းဒေသကြီး၊ ကုန်စျေးနှုန်းတည်ငြိမ်ရေး လုပ်ငန်းအဖွဲ့မှလည်း စျေးကွက်အတွင်းရှိ ဆန်လက်လီ/လက်ကားအရောင်းဆိုင်များ၌ သင့်တင့်မျှတသော သတ်မှတ်ရည်ညွှန်း စျေးနှုန်းဖြင့် ရောင်းချမှုရှိ/မရှိအား နေ့စဉ်ကွင်းဆင်းကြီးကြပ် ဆောင်ရွက်လျက်ရှိကြောင်း သိရှိရပါသည်။
မြိတ်ခရိုင်စားသုံးသူရေးရာဦးစီးဌာနမှ ၂၀၂၄ခုနှစ်၊ အောက်တိုဘာလ(၂)ရက်နေ့ ၊ နေ့လယ် (၁၄:၀၀) အချိန်တွင် မြိတ်မြို့ပေါ်ရှိ မျိုးစေ့နှင့် စိုက်ပျိုးရေးပစ္စည်းအရောင်းဆိုင်များသို့ သွားရောက်၍ ထုတ်ကုန်လုံခြုံစိတ်ချရမှုရှိစေရေး ကွင်းဆင်းစစ်ဆေးခဲ့ကြောင်း သတင်းရရှိပါသည်။
ရန်ကုန်တိုင်းဒေသကြီး၊ သင်္ဃန်းကျွန်းခရိုင်၊ ရန်ကင်းမြို့နယ်အတွင်းရှိ စားသုံးသူပြည်သူများ အဆင်ပြေစွာ အလွယ်တကူဝယ်ယူနိုင်ရေးအတွက် စာအုပ်စနစ်ဖြင့် စားအုန်းဆီများဖြန့်ဖြူးရောင်းချနေမှုအခြေအနေအား ရန်ကင်းထွေထွေအုပ်ချုပ်ရေးဦးစီးဌာနရုံး၌ ၃၀-၉-၂၀၂၄ ရက်နေ့၊ နံနက် ၁၀:၀၀ နာရီအချိန်တွင် သက်ဆိုင်ရာတာဝန်ရှိသူများနှင့်ပူးပေါင်း၍ ကွင်းဆင်းအသိပညာပေးမှုများပြုလုပ်ခဲ့ကြောင်းသိရှိရပါသည်။
တနင်္သာရီတိုင်းဒေသကြီး၊ လူမှုဝန်ထမ်းဦးစီးဌာနမှ ကျင်းပပြုလုပ်သည့် ၂၀၂၄ ခုနှစ်၊ အောက်တိုဘာလ(၁)ရက်နေ့တွင် အပြည်ပြည်ဆိုင်ရာသက်ကြီးပုဂ္ဂိုလ်များနေ့ အခမ်းအနားအား ထားဝယ်မြို့၊ သာသနာ့ဗိမာန်၌ ကျင်းပပြုလုပ်ခဲ့ရာ တနင်္သာရီတိုင်းဒေသကြီးဝန်ကြီးချုပ်၊ တိုင်းဒေ သကြီးအစိုးရအဖွဲ့ဝင်များ၊ တိုင်းဒေသကြီးအဆင့်ဌာနဆိုင်ရာများနှင့်အတူ တိုင်းဒေသကြီး စားသုံးသူရေးရာဦးစီးဌာနမှ တက်ရောက်ခဲ့ပါသည်။
